Тээврийн прокурорын газрын хяналтын прокурор Х.Тамир нарт холбогдох хэргийг шүүхээс мөрдөн байцаалтад буцаагаад байсан бол мөрдөн байцаалтын ажиллагаа дуусч хавтаст хэргийг дахин шүүхэд шилжүүлсэн байна.

Уг хэрэгт Х.Тамир, Б.Амарбаясгалан, Д.Жавхлан, Н.Мөнхбат, Н.Сүхбаатар нарыг хар тамхи худалдан борлуулсан гэх үндэслэлээр шалгаж байгаа ба тэднийг Эрүүгийн хуулийн 188.3, 192.2, 272.2-аар гэх мэт зургаан зүйл ангиар буруутгаж байгаа юм.