Дөрвөн настай охиноо хөнөөсөн хэрэгт буруутгагдаад буй Т.Цогт, талийгаач охины хойд эх Г.Маралмаа нарт анхан шатны шүүхээс  24 жилийн хорих ял оноосон. Харин Г.Марал давж заалдах шатны шүүхэд хандсан бөгөөд тус шүүхээс хэргийг мөрдөн байцаалтад буцаасан юм. 

Харин хэргийн нэмэлт мөрдөн байцаалт дуусч, шүүх хурал өнгөрсөн долоо хоногт болох байсан ч хойшилжээ. Тиймээс хэргийг энэ оны 12 сарын 7-ны өдрийн 10 цагт дахин хэлэлцэхээр болсон байна.

Уг хэрэгт Т.Цогт, Г.Маралмаа нарыг Эрүүгийн хуулийн тусгай ангийн 91.2.11 бүлэглэж, урьдчилан үгсэж тохиролцсон бүлэг, зохион байгуулалттай бүлэг, гэмт бүлэглэл бусдын амь насанд хүрсэн 91.2.12 онц харгис хэрцгий аргаар 91.2.15 хохирогчийг биеэ хамгаалж чадахгүй байгааг мэдсээр байж 100.1 байнга зодох буюу тарчлаах шинжтэй бусад үйлдэл хийсэн гэх зүйл ангиар буруутгаад байгаа аж. 

Энэ хэргийн нэмэлт мөрдөн байцаалт дуусч, шүүхэд хэргийг шилжүүлсэн байна. Шүүх хурал өнгөрсөн долоо хоногт болсон бөгөөд хэргийг энэ оны 12 сарын 7-ны өдрийн 10 цагт дахин хэлэлцэхээр болжээ. Тодруулбал хохирогч буюу талийгаачийн ээж өвчтэй, яллагдагч Т.Цогтын өмгөөлөгч Япон улсад албан ажилтай байгаа гэсэн шалтгаанаар шүүх хурлыг хойшлуулжээ.