Өнгөрсөн жил “Орчлон” сургуулийн бассейнд хүүхэд нас барсан харамсалтай хэрэг гарч байсан билээ. Бүтэн жилийн турш шалгасан хэргийн шүүх хурал Хан-Уул дүүргийн эрүүгийн хэргийн анхан шатны шүүхэд  өнгөрсөн арваннэгдүгээр сарын 29-ны өдөр болж улмаар хэргийг нэмэлт мөрдөн байцаалтад буцаасан байна. 

Хэргийн талаар эргэн сануулахад  2015 оны 12-р сарын 22-нд Хан-Уул дүүргийн 15-р хороонд байрлах ”Орчлон-2” хүүхдийн цэцэрлэгийн усан санд гарсан бөгөөд  дөрвөн настай хүүхэд усан санд живж, улмаар эмнэлэгт хүргэгдээд амьсгал хураасан.  

Тэгвэл уг хэрэгт “Орчлон-2” сургуулийн усан сангийн дөрвөн ажилтныг буруутган  шалгаж эхэлсэн юм.  Тэднийг ажил үүрэгтээ хайнга хандсан гэдэг үндэслэлээр эрүүгийн хэрэгт татсан байна.