Хүүхдийн зохиолч Соёлын гавьяат зүтгэлтэн Ж.Дашдондог Төрийн шагнал хүртлээ. Энэхүү шагналыг Ерөнхийлөгч Ц.Элбэдоржийн зарлигаар олгож буй юм.
Ерөнхийлөгч Ц.Элбэгдорж өмнөх жилүүдэд Монгол угсаатнуудын их түүх, уламжлал, соёл, гүн ухаан, сэтгэлгээний онцлогийг илтгэсэн Монголын сэдэвт гарамгай бүтээлүүд урлаж хүн төрөлхтөний оюуны санд бахархам хувь нэмэр оруулж байгаа Буриадын уран барималч, зураач Даши Намдаков /2015 он/, ардчиллын сүлд дуу “Хонхны дуу” /2014 он/, оюун санааны эрх чөлөө, чөлөөт сэтгэлгээг төлөвшүүлэхэд оруулж ирсэн хувь нэмрийг нь үнэлж Догмидын Сосорбарам болон суурин соёл иргэншил, хотжилт, түүнээс үүдсэн нийгмийн оюун санааны өөрчлөлтийн түүхийг анх удаа судалгаан дээр түшиглэн уран сайхнаар илэрхийлсэн "Соёлын довтолгоо: Анхны хэт гүрнээс сүүлчийн нүүдэлчин" бүтээл, мөн "Ерээд оны Тунгалаг тамир", "Төрийн чих", "Хаврын 17 зочин" зэрэг зохиол бүтээлүүдээрээ орчин үеийн нийтлэлийн төрлийг шинэ хэлбэр агуулгаар баяжуулж, оюун санааны эрх чөлөө, чөлөөт сэтгэлгээг төлөвшүүлэхэд оруулж ирсэн Бямбажавын Цэнддоо нарт /2010 он/ Төрийн шагналыг хүртээж байсан юм.
Хүүхдийн зохиолч Ж.Дашдондог гуай бол хүүхдийн зохиолд алтан түүхийг бичиж, их хувь нэмрээ оруулсан байдаг. Түүнийг ямагт "хүүхдээрээ" хүн ч гэх нь бий.
