Нийгмийн даатгалын Үндэсний зөвлөл өнгөрсөн долоо хоногт хуралдаж элэгний С вирусын таван эмэнд хөнгөлөлт үзүүлэхээр болсон билээ.

Тодруулбал, Харвони, Ледвир, Ледифос, Гесинат Эл Пи, Вирпас зэрэг таван төрлийн эмийн үнээс 210 мянган төгрөгийг тус бүр хөнгөлөхөөр болсон.

Тэгвэл өнгөрсөн есдүгээр сарын 9-өөс хойш энэхүү таван эмийг худалдаж авсан иргэд эм худалдаж авсан үнээсээ 210 мянган төгрөгөө хасуулж, үнийн зөрүүг нөхөж авах боломжтой аж. Элэгний С вирусын эсрэг Харвони эмийг 5815 хүн, Ледифос эмийг 5482 хүн хэрэглэсэн бөгөөд С вирусыг устгахад 98 хувийн эерэг нөлөө үзүүлсэн байна.