Сонирхогчдын боксын олимп, ДАШТ-ий мөнгөн медальт, гавьяат тамирчин Н.Төгсцогт өчигдөр Чингис хаан нисэх онгоцны буудалд газардлаа.

Тэрбээр энэ сарын 9-нд АНУ-ын Калифорни мужийн Коста Меса хотын “Orange County Fair” цогцолборт мэргэжлийн боксын рингэн дэх ээлжит тулаанаа мексик тамирчинтай хийж ялалт байгуулсан юм.

Түүнийг нутагтаа ирэхэд нь  олимпийн аварга, ДАШТ-ий мөнгөн медальт, Хөдөлмөрийн баатар, гавьяат тамирчин Э.Бадар-Ууган, олимпийн наадмын хүрэл, ДАШТ-ий алт, хүрэл медальт Х.Цагаанбаатар, жүжигчин Э.Цолмонбаяр нар тосчээ.