Монгол Улсын иргэн Амартүвшин гэгч нь  2014  онд  ОХУ-ын хилийг хэд хэдэн удаа хууль бусаар нэвтэрч наймаа хийсэн тул оросууд түүнийг 2017 оны дөрөвдүгээр сар хүртэл ОХУ-д зорчихыг хоригложээ.

Тэрбээр энэ хугацааг тэвчилгүй  овог нэрээ солиод шинэ паспорт авч өнгөрсөн оны аравдугаар сараас дахиад л улсын хилийг хууль бусаар нэвтэрч өмнөх ажлаа үргэлжлүүлсэн байна.

Энэ  оны тавдугаар сард түүнийг оросын хилчид саатуулан захиргааны хариуцлагын тухай хуулийн дагуу торгож, ОХУ-д зорчих эрхийг нь таван жилээр хориглон сунгасан байна.

Үүгээр зогсохгүй Амартүвшин гэгч нь нэрээ дахин сольж Сонгинот-уул-Амартувшин болгож хил зөрчин Хятадаас бараа зөөж, Орос руу оруулж эхэлсэн аж.

Ингээд 2016 оны аравдугаар сард оросын хилийн хяналтынхан монгол иргэнийг саатуулан ОХУ-ын хуулийн дагуу эрүүгийн хэрэг үүсгэн ОХУ-ын Холбооны аюулгүй байдлын газрын Өвөр байгалийн хязгаарын  Хилийн цэргийн газарт мөрдөн шалгаж эхэлсэн байна. Түүний  хил  14 удаа хууль бусаар зөрчсөн хэрэгт буруутгаж байгаа гэж newsbabr.com сайтад бичжээ.