Монгол Улсын гавьяат тамирчин Доржсүрэнгийн Мөнхбаяр зодог тайллаа.
Тэрбээр 1992 оны Барселоны Олимпод буудлагын 25 метрийн спорт гар бууны дасгалд Монгол Улсын нэрийн өмнөөс оролцож хүрэл медаль хүртэж Монголын эмэгтэй тамирчдаас хамгийн анхны медалийг эх орондоо авчирч байв.
Мөн 1998 онд Испани улсын Барселона хотод зохиогдсон буудлагын Дэлхийн аварга шалгаруулах тэмцээнд Монгол Улсын нэрийн өмнөөс оролцож 10 метрийн хийн гар бууны дасгалд хувийн дүнгээр алтан медаль, багаараа хүрэл медаль авсан.
Тэрбээр 2002 оны буудлагын Дэлхийн аварга шалгаруулах тэмцээнд Германы нэрийн өмнөөс оролцон 25 метрийн спорт гар бууны дасгалд мөн алтан медаль авсан юм. Харин 2008 оны Бээжингийн Олимпод Герман улсын нэрийн өмнөөс 25 метрийн спорт гар бууны дасгалд оролцон хүрэл медаль хүртсэн билээ.
Монгол Улсын Ерөнхийлөгчийн 2005 оны есдүгээр сарын 5-ны өдрийн 39 дүгээр зарлигаар Д.Мөнхбаяр гавъяатын хувьд Монгол Улсын харьяатаас гарсан. Улмаар "Сидней 2000" олимпийн дараа Германы улсын иргэн болсон билээ.
