Сүүлийн үед шинэ жилийн баяраа албан байгууллагууд тэмдэглэж эхэлсэнтэй холбогдуулан хулгай, дээрмийн хэрэг гарах болсон. Энэ талаар Цагдаагийн байгууллгаас анхааруулж байгаа юм.

 Энэ сарын 15-16-нд шилжих шөнө иргэн Б гэртээ харих замдаа дээрэмдүүлсэн байна. Чингэлтэй дүүргийн 16 дугаар хорооны нутаг дэвсгэрт  гарсан уг хэргийг Чингэлтэй дүүрэг дэх Цагдаагийн хоёрдугаар хэлтсийн алба хаагчид илрүүлэн, сэжигтнүүдийг баривчиллаа.

Энэ гэмт хэргийг эрхэлсэн тодорхой ажилгүй урьд нь удаа дараа гэмт хэрэг үйлдэн ял шийтгэгдэж байсан Т, Ө нар бүлэглэн, тээврийн хэрэгсэл ашиглан үйлдсэн нь тогтоогджээ.

Хэргийг Нийтийн хэв журам хамгаалах тасгийн ахлах байцаагч, цагдаагийн ахмад Б.Мөнхтөрөөр ахлуулсан хамтарсан баг илрүүлж, сэжигтэй этгээдүүдийг баривчилж мөрдөн байцаалтын ажиллагаа явуулж байгаа аж.