"Хятад-Монголын найрсаг солилцооны төв"-ийн нээлтийн ёслолын арга хэмжээ боллоо. Уг арга хэмжээнд Монгол Улсад суугаа БНХАУ-ын элчин сайд Шин Хай Мин, Найрамдал сургуулийн захирал Жянь Шянь Мэй нарын албаны бусад хүмүүс оролцов. 

Өнгөрсөн есдүгээр сард Монгол Улсад суугаа БНХАУ-ын элчин сайдын яамнаас Монгол-Хятадын “Найрамдал” сургуульд дэмжлэг үзүүлж, 500 мянган юанийн буцалтгүй тусламж үзүүлсэн юм. Энэхүү мөнгөөр Найрамдал сургуулийн урлагын заалыг тохижуулж, "Хятад-Монголын найрсаг солилцооны төв"-ийг байгуулж ийнхүү нээлтээ хийлээ.

Ёслолын арга хэмжээний үеэр сургуулийн захирал Жянь Шянь Мэй “Өнөөдөр манай сургуулийн урлагын заал БНХАУ-ын Элчин сайдын яамны тусламжтайгаар “Хятад Монголын найрсаг солилцооны төв” болон өргөжлөө. Энэхүү төвийг бид зориулалтаар нь ашиглаж, хоёр орны иргэдийн найрсаг харилцааны гүүр болно гэдэгт итгэлтэй байна. Хятад Монголын найрсаг солилцооны төвийн шинэ түүхийг хамтдаа бичилцэх болсондоо туйлын байртай байна” хэмээн баярын сэтгэгдлээ хуваалцсан юм.

Харин Элчин сайд Шин Хай Мин “Энэхүү төв нь хоёр орны найрамдал харилцааг бэхжүүлэх томоохон ажил болж байгаад баяртай байна.

"Хятад-Монголын найрсаг солилцооны төв"-өөр дамжуулан хоёр орны иргэдийн дунд олон арга хэмжээг зохион байгуулж, сурагчид илүү өндөр амжилт гаргана гэдэгт итгэлтэй байна” хэмээн сурагчдын сурлага хөдөлмөрт өндөр амжилт хүссэн.

Энэхүү арга хэмжээтэй зэрэгцүүлэн “Найрамдал” сургуулийн хамт олон энэ оны амжилт, бүтээлээ дүгнэж, шинэ жилийн баяраа тэмдэглэсэн. Найрамдал сургуулийн хамт олон энэ жил сурлага, хөдөлмөр, урлаг, спортын олон арга хэмжээнд амжилт гаргасан байна. Тухайлбал “Найрамдал сургуулийн сурагчид Олон улсын “Гүүр” тэмцээнд оролцож, Азийн тивийн аварга, алтан медаль, Дэлхийн аваргын мөнгөн медалиар энгэрээ мялаасан байна. Мөн их дээд болон дунд сургуулийн багш нарын дунд зохион байгуулагдсан Хятад хэлний олимпотод тус сугуулийн багш нэгдүгээр байранд орсон амжилттайгаар хуучин оноо үдэж, шинэ оноо угтан авч байгаа аж.