Улаанбаатар хотын Ерөнхий менежерийн тушаалаар 12 сарын 24-ний өдөр шинэ оныг угтсан бүх нийтийн их цэвэрлэгээнд “Хот тохижилтын газар” ОНӨААТҮГ-аас нийт 448 хүн ажилласнаас зам талбайн үйлчлэгч 308, офиссын ажилтан 35, Автобаазын 50, Төвлөрсөн хогийн цэгийн менежментийн албаны 55 хүн хамрагдсан талаар “Хот тохижилтын газар” ОНӨААТҮГ-аас мэдээлэв.
Офиссын ажилтнууд Зүүн дөрвөн замаас Офицеруудын ордон хүртэлх явган хүний зам, замын голын зурвас хэсгийг, Автобаазын ажилтнууд баазын хашааны дотор, гадна орчмын цэвэрлэгээг хийсэн байна. Нарангийн энгэрийн хогийн цэгийн ажилтнууд мөн орчмын цэвэрлэгээ хийж, 4 рейсээр 20тн, Цагаандавааны хогийн цэгийн ажилтнууд 1 рейсээр 1тн, Морингийн давааны хогийн цэгийн ажилтнууд 1 машинаар 1 рейс хийж, 0.5тн, нийт 6 рейсээр 21.05тн хог хаягдал тээвэрлэсэн байна. Автобаазаас 10 битүү машин, 2 задгай ачааны машин ажиллаж, хуваарьт замын хог хаягдлыг тээвэрлэж буй ажээ.
