Өнгөрсөн оны арваннэгдүгээр сард Говь-Алтай аймагт иргэн Э нь эхнэр Н-ийг зодож амь насыг нь хөнөөсөн хэрэг гарсан. Иргэн Э нь согтууруулах ундааны зүйл хэрэглэж  эхнэрээ өвчний улмаас биеэ хамгаалж чадахгүй байгааг мэдсээр байж  гар хүрсэн байдаг.

Тус  хэрэгт Говь-Алтай аймгийн прокурорын газраас Монгол Улсын Эрүүгийн хуулийн тусгай ангийн 91 дүгээр зүйлийн 91.2.15 дахь хэсэгт зааснаар яллах дүгнэлт үйлдэж, шүүх хянан хэлэлцжээ.

Шүүхээс Э-д 17 жилийн хорих ял оногдуулж, ялыг чанга дэглэмтэй эрэгтэйчүүдийн хорих ангид ял эдлүүлэхээр шийдвэрлэсэн байна.