Туул голын сав газар нутагшуулсан 38 минж жилийн эцэст 64 болон өсчээ. 2014 онд зургаа, өнгөрсөн жил долоо байсан бол энэ онд 13 нийт 26 үр төл гаргажээ. Энэ нь хоёр жилийн дотор хоёр дахих өссөн үзүүлэлт юм.

Туул голын экосистемийн доройтлыг багасгах, голын экологийн нөхцлийг байгалийн аясаар нь сэргээх урсацыг нэмэгдүүлэх зорилгоор 2011 оноос тухайн үеийн Улаанбаатар хотын удирдлагууд минж нутагшуулах санаачлагыг гаргаж, төсөл хэрэгжүүлсэн билээ.

Нийслэлийн Баянзүрх дүүргийн 22-р хороо Гачуурт тосгоны нутаг Туул голын ай сав газар Германы Баваар мужаас долоон хос 14 толгой, ОХУ-аас 12 хос буюу 24, нийт 38 минжийг нутагшуулснаар минж үржүүлгийн төсөл албан ёсоор эхэлж байжээ.