Малчид, тээвэрчид, иргэдийн анхааралд:

8-нд төв болон зүүн аймгуудын нутгаар, 9-нд нутгйин зүүн хагаст цас орж, цасан шуурга шуурч хүйтний эрч чангарахыг анхааруулж байна.

2017 оны 01 дүгээр сарын 08-наас 2017 оны 01 дүгээр сарын 12-ныг хүртэлх

 цаг агаарын урьдчилсан төлөв:

8-нд төв болон зүүн аймгуудын нутгаар цас, 9-нд нутгийн зүүн хагаст, 10-11-нд төв болон зүүн аймгуудын зарим газраар бага зэргийн цас орж, цасан шуурга шуурна. Салхи 8-нд нутгийн хойд хэсгээр, 9-нд ихэнх нутгаар, 10-11-нд нутгийн зүүн хэсгээр секундэд 14-16 метр хүрч ширүүснэ. 8-10-нд нутгийн зүүн хагаст хүйтний эрч чангарч Увс нуурын болон Дархадын хотгор, Хүрэн бэлчир, Идэр, Тэс, Орхон-Сэлэнгэ, Хараа, Ерөө Туул, Тэрэлж, Хэрлэн, Онон, Улз, Халх голын хөндийгөөр шөнөдөө 33-38 градус, өдөртөө 20-25 градус, Их нууруудын хотгор, Хангай, Хөвсгөл, Хэнтэйн уулархаг нутаг, Эг голын хөндий, Дорнод, Дарьгангын тал нутгаар шөнөдөө 27-32 градус, өдөртөө 15-20 градус, говийн бүс нутгийн өмнөд хэсгээр шөнөдөө 14-19 градус, өдөртөө 5-10 градус, бусад нутгаар шөнөдөө 20-25 градус, өдөртөө 9-14 градус хүйтэн байна.