Монголчуудын уламжлалт баяр Цагаан сар болоход сар хүрэхгүй хугацаа үлдээд байна. Иргэд баяртаа бэлдэх үеэр болон баярын өдрүүдэд гэмт хэргийн гаралт нэмэгддэг. Гэмт хэргээс урьдчилан сэргийлэх, таслан зогсоох, шуурхай илрүүлэх зорилгоор цагдаагийн байгууллагаас жил бүр “Сар шинэ” нэгдсэн арга хэмжээг өрнүүлдэг.
Улаанбаатар хотын Цагдаагийн газрын дарга, туслах комиссар Ж.Эрдэнэболд “Сар шинийн баяр дөхөж буйтай холбогдуулаад ЦЕГ, НЗДТГ, НИТХ-аас өгсөн чиг үүргийн дагуу “Сар шинэ” арга хэмжээ эхлүүлээд байна.
Энэ арга хэмжээний хүрээнд нийслэлд ЦЕГ-ын Олон нийтийн аюулгүй байдлыг хангах албанаас 270 цагдаагийн алба хаагч нэмэгдлээр гарч ажиллаж байгаа юм байна. Гудамж, талбайд ажиллах эргүүлийн үйл ажиллагаа сайн байснаар гэмт хэргийн тоо багасдаг. Урьдчилан сэргийлэх ажилд мэдэгдэхүйц үр дүн өгдөг нь судалгаа, статистик тоо баримтаас харагддаг. Энэ үүднээс урьдчилан сэргийлэх ажлыг сайжруулах чиглэлээр эргүүлүүдээр дамжуулан тодорхой арга хэмжээг авч байгаа аж. Мөн ЦЕГ-аас явуулын камерын төвүүдийг авч гэмт хэрэг, зөрчил ихээр үйлдэгддэг гудамж талбайд ажиллуулж байгаа аж.” .
