Энэ сарын 24-ний өглөөний 08:00 цагийн үед Сонгинохайрхан дүүргийн 25 дугаар хороо, Хайрханы 14-08 тоотод оршин суух иргэн Ц.Найманжингийн эзэмшлийн өвлийн сууцанд гал гарч дотор нь унтаж байсан Д.Алтанзул, Ц.Найманжин, Ц.Есөнжин, Г.Нэргүй нарыг Сонгинохайрхан дүүрэг дэх цагдаагийн хэлтсийн эрүүгийн төлөөлөгч, цагдаагийн дэслэгч Г.Ганбаяр галын аюулаас гарган аварсан. 

Тэгвэл өнөөдөр 13:00 цагт хотын удирдлагууд ч мөн хүлээн авч уулзан, талархал илэрхийлэх бөгөөд ХЗДХ-ийн сайд С.Бямбацогт 14.00 цагт албаны сонор сэрэмж, авхаалж самбаагаа дайчлан дөрвөн хүний алтан амийг аварсан дэслэгч Г.Ганбаярыг хүлээн авч уулзан, шагнаж урамшуулахаар болжээ.