Энэ сарын 15-25-ны өдрийн хооронд Хорих 433 дугаар ангид бясалгалын сургалтыг зохион байгуулав. Сургалтад нийт 161 хүмүүжигч, 4 алба хаагч амжилттай хамрагдсан байна.

Бясалгалд хамрагдсан хүмүүжигчдийн ярилцлагаас дүгнэхэд өөрийгөө таньж мэдсэн, сэтгэл гутрал арилж,  өөдрөг болсон, аливаад хүлээцтэй хандах, ухаалагаар шийдвэрлэх гарцыг олсон, нойронд сайн болсон, муу бодлоос салсан, тамхинаас татгалзах  зэрэг  эерэг үр дүн гарчээ.

Нийгэм сэтгэл зүйн тасгийн дарга, дэд хурандаа Д.Намгэрэл, сэтгэл зүйн үйлчилгээ хариуцсан мэргэжилтэн, ахлах дэслэгч Ц.Зогсоо нар бясалгалын хаалтын ажиллагаанд оролцож, хоригдогсдыг нийгэмшүүлэх талаар ШШГЕГ-аас авч хэрэгжүүлж байгаа бодлого, чиглэлийн талаар танилцуулан, сургалтад хамрагдагсдыг цаашид үргэлжлүүлэн бясалгалаа хийх, зөв бодол санаатай, зөв үйлдэлтэй иргэн болон төлөвшихөд нь амжилт хүсэв.

Дараагийн сургалтыг Сэлэнгэ аймгийн Мандал сум дахь Шийдвэр гүйцэтгэх алба-Хорих 413 дугаар ангид 2017 оны 02 дугаар сарын 05-наас эхлэн зохион байгуулахаар  төлөвлөгдөөд байна.