09:00 цагт: БОАЖЯ-ны Удирдах ажилтны зөвлөгөөн Корпорэйт-д болно. Зөвлөгөөнд 21 аймгийн Байгаль орчин,аялал жуулчлалын газрын дарга нар,Усны сав газрын захиргаадын дарга нар оролцоно.
10:00 цагт: Уул уурхай эрдэс баялгийн салбарт анх удаа төр, хувийн хэвшлийн түншлэлийг байгуулж, Эрдэнэс Монгол, МАК компаниуд хамтарсан компани байгуулах гэрээнд гарын үсэг зурах ёслол болно. Хаана: Эрдэнэс Монгол компанийн байранд (Төв номын сангийн урд, Моннис цамхагийн 14 давхарт)
10:00-18:00 цагт: Нийслэлийн Засаг даргын нэрэмжит ЕБС-ийн сурагчдын "Улаанбаатар лиг" сагсан бөмбөгийн хүрэл, алтан медалийн төлөөх шигшээ тэмцээн "Буянт Ухаа" спортын ордонд болно. Шигшээ тэмцээний үеэр Нийслэлийн Нийтийн биеийн тамир, спортын хороо, Нийслэлийн Боловсролын газар, ОХУ-ын Бүс хоорондын ШБЛ ТББ-тай хамтран ажиллах 2 талт хэлэлцээр, 3 талт гэрээ байгуулах ажиллагаа "Буянт Ухаа" спортын ордны VIP өрөөнд болно.
10:30 цагт: Хэвлэлийн хүрээлэнд: НҮБ-ын Хүн амын сан, Хэвлэлийн Хүрээлэн хамтран зохион байгуулж буй Гэр бүлийн хүчирхийлэлтэй тэмцэх тухай хуулийн шинэчилсэн найруулга юугаараа өөр, шинэлэг болсон бэ? Энэ төрлийн гэмт хэрэгтэй тэмцэх тал дээр ахиц, дэвшил гарахаар хууль эрх зүйн орчин бүрдэж чадсан уу? Гэр бүлийн хүчирхийлэл, жендерийн асуудлаар бичдэг сэтгүүлчдийн ажилд энэ бүхэн хэрхэн нөлөөлөх вэ? гэх мэт сэдвээр сэтгүүлчидтэй ярилцана.
Зууны мэдээ сонины Үндэсний мэдээллийн төвд
11:00 цагт: Иргэний нийгмийн байгууллагууд Эрдэнэтийн 49 хувийн асуудлаар мэдээлэл хийнэ.
11:30 цагт: Өвлийн аялал жуулчлалыг хөгжүүлэх зорилгоор гуравдахь жилдээ зохион байгуулж буй “Талын түмэн адуу” адууны баярын талаар мэдээлэл хийнэ.
