Монгол Улсын Төрийн албаны зөвлөлөөс Дархан-Уул, Хөвсгөл аймгийн Засаг даргын Тамгын газрын дарга, Газар зохион байгуулалт, геодези, зураг зүйн газрын дэд дарга, Оюуны өмч, улсын бүртгэлийн ерөнхий газрын  Мэдээллийн технологийн газрын дарга, Санхүүгийн зохицуулах хорооны Ажлын албаны дарга зэрэг албан тушаалд томилогдох удирдах ажилтны нээлттэй сонгон шалгаруулалт зарлажээ.

Сонгон шалгаруулалтыг 2017 оны 03 дугаар сарын 13-ны өдөр зохион байгуулна. 

            Сонгон шалгаруулалтад өрсөлдөх иргэд Засгийн газрын XI байрны 302 тоот өрөөнд   2017 оны 03 дугаар сарын 10-ны өдрийн 09.00-17.00 цагт өөрөө ирж бүртгүүлэх бөгөөд  дараах материал бүрдүүлэн авчирах аж.  

• Төрийн албан хаагчийн анкет 
• Боловсролын түвшинг тодорхойлох баримт бичиг-дипломын эх хувь,  нотариатчаар гэрчлүүлсэн  хуулбарын хамт
• Хэрвээ гадаадад их, дээд сургууль төгссөн  бол баталгаат орчуулгын газраар монгол хэл дээр  хөрвүүлсэн байх
• Мэргэшүүлэх сургалтанд хамрагдсан бол гэрчлэх баримт бичгийн  эх хувийг  хуулбарын хамт
• Монгол Улсын иргэний үнэмлэх;
• Ажилласан жил тооцох тул хөдөлмөрийн болон нийгмийн даатгалын дэвтрийн эхний нүүр хуудсыг хөдөлмөрийн үйл ажиллагааны хөдөлгөөнийг баталгаажуулсан бусад хуудсын хуулбар, эх хувийн хамт 
• Ажил байдлын тодорхойлолт
• 4х3-ийн хэмжээтэй 2 хувь цээж зураг

Төрийн албаны зөвлөлийн Ажлын албаны 265544, 264493  утсаар холбогдож сонгон шалгаруулалтын талаар лавлаж болно.

Дэлгэрэнгүйг эндээс үзнэ үү http://www.csc.gov.mn/