Олон улсын үнэлгээний “Moody's” агентлаг Монгол Улсын зээлжих зэрэглэлийг дахин үнэлж, бууруулж ч магадгүй тухай “Reuters” уламжлав.

Мөн ирэх сард 580 сая ам.доллар төлөх хуваарьтай Хөгжлийн банкны зэрэглэлийг дахин үнэлэх аж. Манай улс Хятад, ОУВС-гаас санхүүгийн тусламж авахаар хэлэлцэж буй, зарим хөрөнгө оруулагч дээрх хугацаанаас өмнө талууд зөвшилцөлд хүрч амжихгүй байж магадгүй гэж үзэж байгааг дурджээ. Одоогоор Монгол Улсын зээлжих зэрэглэл Caal байгаа юм.

“Moody's” агентлаг манай улсын зээлжих зэрэглэлийг өнгөрсөн оны арваннэгдүгээр сард ВЗ-аас эрсдэлтэй ангилалд оруулсан билээ. Тус агентлаг мэдэгдэлдээ “Монгол Улс бондын төлбөрөө ойрын хугацаанд хэрхэн хийх нь хараахан шийдэгдээгүй байгаа” хэмээн дурджээ. Монгол Улсын Засгийн газрын холбогдох хүмүүс бондын төлбөрийг хугацаанд нь төлөхийг мэдэгдэж буй.