ХБНГУ-ын Ранштат хотын Дауэрхайм хэмээх газрын ойгоос хүний яс олджээ.

Энэ нь 2006 онд ор сураггүй алга болсон монгол залуугийн цогцосны үлдэгдэл болохыг тус улсын хэвлэл мэдээллийн хэрэгслүүд мэдээлсэн байна. Дауэрхаймд нэгэн айлын хүүхэд асрагчаар ажиллаж байсан монгол залуу 2006 оны зургадугаар сард гэнэт алга болсон талаар ажиллаж байсан айл нь хууль сахиулах байгууллагад мэдэгдэж байжээ.

Тухайн үед хууль хяналтынхан түүнийг хайгаад олоогүй бөгөөд амиа хорлосон байж магадгүй гэх таамгийг дэвшүүлж байжээ. Уг цогцосны үлдэгдэлд шүүх эмнэлэг шинжилгээ хийж, сураггүй алга болсон хүнийх мөн гэсэн дүгнэлт гаргасан байна. Тэдний үзэж байгаагаар монгол залуугийн амийг бүрэлгээгүй, золгүй явдлын улмаас нас бараагүй. Харин амиа хорлосон  аж.