Өмнөд Судан улсад үүрэг гүйцэтгэж байгаа цэргүүд хоёр настай хүүхдийн амийг аварчээ.

Тодруулбал Өмнөд Судан улс дахь НҮБ-ын мандаттай энхийг сахиулах UNMISS ажиллагаанд үүрэг гүйцэтгэж буй Монгол Улсын Зэвсэгт хүчний мото буудлагын батальоны ахлагч Т.Буянзул, дэд ахлагч О.Цэнд-Аюуш нар аюултай бүсээс хоёр настай Ниа Гаак нэртэй хүүхэд олж илрүүлэн, шуурхай арга хэмжээ аван болзошгүй эрсдэлээс авран хамгаалсан байна.

Энхийг сахиулагчид, шөнийн 00:00 цагийн үед харуулын хяналтын секторт орон нутгийн гурван иргэн орж ирж, бага насны хүүхэд хайж байгаа нь тодорхой болмогц НҮБ-ын цэргийн цагдаад мэдэгдэж, хүүхдийг эсэн мэнд эцэг, эхэд нь хүлээлгэн өгчээ.