29 дүгээр сургуульд БСШУСЯ-ны Ажлын хэсэг ажиллаж байна

2017-3-29

Нийслэлийн СБД-ийн 29 дүгээр тусгай сургуулийн сурагчид энэ сарын 27-нд суралцах эрх нь зөрчигдөж байна хэмээн сургуулийнхаа хашаанд жагсаал зохион байгуулсан.

Энэ талаар БСШУС-ын сайд Ж.Батсууриас тодруулахад “29 дүгээр сургууль дээр БСШУС-ын Сайдын тушаалын дагуу Ажлын хэсэг байгуулагдан ажиллаж байна. Ажлын хэсэг ойрын өдрүүдэд тус сургуулийн багш, удирдлагуудтай уулзан, тулгамдаад буй асуудалд анхаарал хандуулан ажиллана. Бүх хичээлийг дохионы хэлээр ярьж, заана гэдэг харьцангуй ойлголт юм. Боловсролын их сургуульд дохионы хэлний багш бэлтгэх урт, богино хугацааны сургалт явж байгаа. Дохионы багшийг хэт олон сургуульд бэлтгэх шаардлагагүй.

Тэгэхээр дохионы багшийг олноор бэлтгэвэл ажлын байргүй болох эрсдэл бий. Дохионы хэлний багшийг дотоодод төдийгүй ОХУ-д бэлтгэх бүрэн боломжтой. Энэ жил 1000 шахам суралцагч бакалавр, магистр, докторын түвшинд ОХУ-д суралцсан” хэмээх хариулт өглөө.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (2)

Багш 2 (103.57.95.250)

Сонсголын бэрхшээлтэй хүүхдийн тусгай сургуульд бас сул сонсголтой, хэл ярианы бэрхшээлтэй хүүхдүүд сурч байгаа. тэдгээр хүүхдүүдийг бүгдийг дохиогоор сургана гэж нэг тийшээ хэлтийж болохгүй. сул сонсголтой сурагчдыг аль болох ярьдаг болгох нь сургуулийн эрхэм зорилт байх ёстой. Ердөө сонсохгүй ахлах, дунд ангийн хичээлийг дохиогоор явуулж болно. Гэхдээ амны хайрцгаас уншиж сурах ёстой шүү дээ. Энэ сургууль нилээн хэдэн жилийн өмнө гүнзгийрүүлсэн сургалттай анги хичээллүүлж, маш амжилттай явж байсан. Ер нь тусгай сургуульд ажиллах багшийг зүгээр дипломтой багшийг авч ажиллуулахдаа нэг тусгай шаардлага тавигдах ёстой байдаг. Тэр нь юу вэ гэхээр хөгжлийн бэрхшээлтэй хүүхэдтэй ажиллахатусгай ур чадварыг эзэмшиж, ажиллах ёстой. Үүнийг бүр баталгаажуулж, харааны бэрхшээлтэй хүүхэдтэй ажиллахдаа брайль үсгээ мэддэг, дүлий хүүхэдтэй ажиллах бол дохионы хэлээ мэддэг, Хөдөлгөөний бэрхшээлтэй хүүхэдтэй ажиллах бол хөдөлгөөн заслын анхны мэдлэгтэй болох гм. хөгжлийн бэрхшээлтэй хүүхэдтэй ажиллах

2017 оны 03 сарын 30 | Хариулах
Багш (103.57.95.250)

Зөвхөн гараа хөдөлгөөд байснаар дохио болчихгүй. Анхны дохионы хэлний номыг 29-р сургуулийн согог зүйч багш У.Баднаа багш хийж байсан.Дохион хэлний олон төрлийн сургулт явж байсан. харин шинэ багш нар нь дохио мэдэхгүй гэдэг үнэн байхаа.Ер нь дохио бас олон төрөл байдаг. Хүмүүс өөрсдөө хоорондоо ярьдаг хар дохио. Орос дохио. Америк хэлний дохио гэх мэт. Мэдээж энэ хугацаанд монгол хэлэндээ тааруулсан дохионы хувилбартай болсон байлгүйдээ. тэгээд бүх хичээлийг дохиогоор заана гэдэг байж болохгүй. дунд, ахлах ангидаа дохио хэрэглж болно. Бага ангиас нь авиа тавих хичээл орох ёстой шүүдээ. Жирийн хүнтэй бичгээр харилцаж сурвал хамгийн сайн л баймаар юм.

2017 оны 03 сарын 30 | Хариулах