Шүүхээр гэм буруу нь тогтоогдоогүй байхад хэнийг ч буруутган яллаж үл болно. Гэтэл сүүлийн жилүүдэд манай улсын хууль шүүхийн байгууллагууд хэн нэгний гэм буруу нь тогтоогдоогүй байхад улсад олон тэрбум төгрөгийн хохирол учруулсан хэмээн цоллож, олон нийтэд мэдээллэх, нэр хүндийг нь гутаан доромжлох явдал хэвийн үзэгдэл болжээ.  

Ерөнхий сайдын ахлах зөвлөх Л.Гансүх нарыг Шинэчлэлийн Засгийн газраас хэрэгжүүлсэн “Нүүрс” хөтөлбөрийн хөрөнгөнөөс их хэмжээний мөнгө завшсан хэрэгт буруутган, шалгаж байгаа талаарх мэдээллийг хуулийн байгууллагаас олон нийтэд цацаж, нэр бүхий хүмүүсийг яллаж байсан билээ. Мөн АТГ-ын Мөрдөн шалгах хэлтсийн дарга Э.Амарбат хэвлэлд өгсөн ярилцлагадаа “Л.Гансүх нарын 10 хүн 13 тэрбум төгрөгийн хохирол улсад учруулсан” хэмээн мэдээлж байсан ч шүүхийн явцад хагас жил гаруй хоригдсон Б.Мөнгөнтуяа гэх нягтлан гэмт буруугүй болж цагаадаж байсан. Тэр ч бүү хэл хоригдсон хохирлоо барагдуулахаар төрийг шүүхэд өгч, шүүхийн өмнө гэмт буруугүй гэдгээ батлаж байсан цаг саяхан.

Г.Дэнзэн нарт холбогдох 17 тэрбумын хэрэг мөн л “Нүүрс”-ний хэрэгтэй адил болж хувирч байх шиг. Ер нь энэ бүхнийг Н.Алтанхуягийг Ерөнхий сайдаас унагах гэсэн зохимол хэрэг гэдгийг хэлэх хүн олон байсан бөгөөд энэ тухай ч хэвлэлүүд онцолж байсан юм.

Тэгвэл өдгөө Г.Дэнзэн нарт холбогдох 17 тэрбумын хэрэг мөн л “Нүүрс”-ний хэрэгтэй адил болж хувирч байх шиг. Ер нь энэ бүхнийг Н.Алтанхуягийг Ерөнхий сайдаас унагах гэсэн зохимол хэрэг гэдгийг хэлэх хүн олон байсан бөгөөд энэ тухай ч хэвлэлүүд онцолж байсан юм.

Г.Дэнзэн нарын таван хүнд холбогдох хэргийг шүүх хурал өнөөдөр тав дахь өдрөө үргэлжилж байна. Шүүх хуралдаан нээлттэй явагдаж байгаа бөгөөд энэ үеэр ил болж буй мэдээллүүд нь “Нүүрс”-ний хэрэгтэй тун ижил, ерөнхийдөө нэг зохиолтой болж байх шиг. Өнгөрсөн долоо хоногт болсон нотлох баримтыг шинжлэн судлаж, шинчээчийн дүгнэлтийг хэлэлцэх, мэтгэлцээний үеэр болсон үйл явдал нь ийнхүү өгүүлэхэд хүргэв. Тодруулбал эл хэрэгт шинжээчээр ажилласан Д.Соёлмаа нь хэргийн хохирлыг тооцохдоо тун хариуцлагагүй хандсан нь шүүх хурлын үеэр тодорхой болсон. Тэгвэл “Нүүрс”-ний хэргийн шинжээчээр ажилласан хүмүүс ч мөн л хариуцлагагүй ажиллаж, олны өмнө шившигээ тарьж байсан билээ. Гэтэл АТГ-аас санал болгож, томилсон шинжээч нар ийнхүү хариуцлагагүй ажиллаж байгааг олон нийт шүүмжилж, муу “зохиол”-той хэрэг болжээ гэх дүгнэлтийг өгөөд байна.

 
Ямартай ч 17 тэрбум төгрөгийн гэх Г.Дэнзэн нарт холбогдох хэрэг өнөөдөр дэнслэгдэж, анхан шатны шүүх шийдвэрээ гаргах болов уу гах таамаг байгаа юм.
 

24tsag.mn