Өнгөрөгч гуравдугаар сарын 25-нд Италийн Турин хотод 22 настай Монгол залуу хүчингийн хэрэг үйлджээ. Хэрэг Турин хотын “Tulip Hotel” зочид буудалд гарсан бөгөөд 22 настай Монгол залуу 18 настай Ирланд эмэгтэйг хүчиндсэн байна.

Турин хотод зохиогдсон Соёлын арга хэмжээнд оролцохоор Ирландаас найз залуу болон бусад хүмүүсийн хамтаар ирсэн бүжигчин эмэгтэйн өрөөнд түүний найз залуугаас гадна өөр гурван хүн унтаж байсан гэнэ. Тэр дороо Италийн цагдаа нар Монгол залууг баривчилж, хүчингийн хэргийг нь шалгаж эхэлсэн байна.

Харин одоогийн байдлаар Монгол залууг барьцаагаар суллаж, хэргийг нь үргэлжлүүлэн шалгаж байгаа юм байна.