Зэвсэгт Хүчний Жанжин Штабаас Таван толгойн цэргийн ангид гарсан ослын талаар мэдээлэл өглөө.

Энэ үеэр ЗХЖШ-ын  орлогч дарга, хошууч генерал Б.Бадамбазар “2017 оны 4 сарын 11-ны өдөр Төв аймгийн Алтанбулаг сум дахь Таван толгойн цэргийн ангийн сургалтын төвд дадлага сургууль хийж байсан цэргүүдийн гранат дэлбэрч 2 хүн нас барж, 8 хүн шархадсан харамсалтай хэрэг гарсан. Ослын шалтгааныг Төв аймгийн Цагдаагийн газар тодруулахаар ажиллаж байна. Бид цагдаагийн байгууллагын мэдээллийг л хүлээж байна. Зарим шархдсан цэргийн албан хаагчдаас мэдүүлэг авсан. Сургуулилт бол ном дүрэм журмын дагуу явагдсан.  

Үүнтэй холбогдуулан осол болсон газрын үйл ажиллагааг зогсоосон. Мөн бусад цэргийн ангиудад хяналт тавих ажиллагаа явагдаж эхэлсэн. Үүрэг гүйцэтгэж явахдаа хэрвээ цэргийн албан хаагч амь эрсдвэл тэтгэвэр, тэтгэмжийн асуудлыг нь тодорхой заасан байдаг. Өөрөөр хэлбэл 10 жилийн үндсэн цалинтай тэнцэх тэтгэмжийг олгоно. Хэрвээ тухайн гэр бүлд хөдөлмөрийн чадваргүй иргэн байвал тэжээгчээ алдсны тэтгэвэр олгоно. Өнөө өглөө энэ тэтгэмжийг олгохоор шийдвэрлэсэн” гэлээ.

24tsag.mn