Зэсвэг хүчний 337 дугаар ангийн байрлалд Ми-8 загварын нисдэг тэрэг осолдсон хэргийг Мөрдөн байцаах газраас прокурорт шилжүүлсэн ч буцаагаад Мөрдөн байцаах газарт шилжүүлжээ.
Тодруулбал Налайхад байрлах Зэсвэг хүчний 337 дугаар ангийн байрлалд Ми-8 загварын нисдэг тэрэг осолдож, нэг хүний амь нас эрсдэж, цэргийн алба хаагч бэртсэн осол 2015 оны арванхоёрдугаар сарын 23-нд гарсан билээ.
Уг ослын шалтгааныг тогтоохоор БХЯ, ЗХЖШ-ын ажлын хэсэг цагдаа, прокурорын байгууллагынхан үзлэг, шалгалтыг тухайн үед явуулсан байдаг.
Осолтой холбоотой хавтаст хэргийг Мөрдөн байцаах газраас прокурорт шилжүүлсэн байна. Гэвч шалгалтын явц тодорхойгүй шалтгаанаар удааширч хэргийг Мөрдөн байцаах газарт буцаан шилжүүлжээ. Прокурорын газраас нисэх онгоцны ослын шалтгааныг дахин нягтлах шаардлагатай гэж үзсэн талаар ЗХЖШ-аас мэдээлсэн.
Эл хэргийг Монгол Улсын тээврийн прокурорын газар хариуцаж байгаа аж.
Сэтгэгдэл (1)