Замын цагдаагийн албанаас хүүхдийг зам тээврийн ослоос урьдчилан сэргийлэх чиглэлээр Зориг сангийн “Эмэгтэйчүүдийн манлайлал хөтөлбөр”, Австрали улсад сургууль төгсөгч эмэгтэйчүүдтэй хамтран Чингэлтэй дүүргийн V сургууль дээр “Зам тээврийн осолгүй сургууль” төслийг хэрэгжүүлж байна.

Уг төсөл нь 2017 оны хоёрдугаар сарын 01-ний өдрөөс тавдугаар сарын 26-ны өдрийн хооронд гурван үе шаттайгаар хэрэгжиж байгаа юм. Төслийн хүрээнд тус сургуульд Замын хөдөлгөөний аюулгүй байдлын жишиг танхим байгуулж, сургууль орчимд 2 гэрлэн дохио, 62 метрийн урттай 5 хурд сааруулагч, 43 ширхэг тэмдэг тэмдэглэгээ, 600 орчим метр хайс байрлуулан тохижуулж, багш, сурагч, эцэг эхчүүдэд замын хөдөлгөөний аюулгүй байдлын сургалтыг системтэйгээр тогтмол явуулан ажиллаж байгаа аж.