Дорноговь аймгийн Зүүн Баянгийн 336 дугаар ангид цэргийн алба хааж байсан Ж.Баярцогт ээлжийн ахлагчдаа зодуулж, өвлийн шөнө гадаа нүцгэн зогссоны улмаас хөл нь хөлдөж, 9 хуруугаа тайруулсан хэрэг гарсан билээ. Хэргийн талаар Зэвсэгт хүчний 336 дугаар ангийн удирдлагаас Дорноговь аймаг дахь Цагдаагийн газарт 2017.01.31-ний өдөр “Тус ангийн дэд ахлагч Э.Э нь байлдагч Ж.Б, Т.Н, С.С, Г.Б нарыг хөл нүцгэн гүйлгэж хөлийг хөлдөөж гэмтэл учруулсан тухай” мэдээлэл иржээ.
Уг мэдээллийн дагуу Э.Э-д Эрүүгийн хуулийн тусгай ангийн 277 дугаар зүйлийн 277.2-т зааснаар эрүүгийн хэрэг үүсгэн шалгасан байна. Хэрэг Дорноговь аймгийн Сайншанд сумын тавдугаар баг Зэвсэгт хүчний 336 дугаар ангид 2017.01.24-25-нд шилжих шөнө 04:00-05:00 цагийн хооронд үйлдэгдэж, байлдагчдын биед хөнгөн болон хүндэвтэр гэмтэл учирсан нь мөрдөн байцаалтын шатанд тогтоогдсон байна.
Дорноговь аймаг дахь Цагдаагийн газраас тус хэргийн мөрдөн байцаалтын ажиллагааг явуулж дуусган 2017.04.14-нд аймгийн прокурорын газарт шилжүүлж, улмаар хэрэг шүүхэд шилжсэн байна.
Б.Ариун
Сэтгэгдэл (5)