Энэ сарын 16-нд буюу өнөөдөр өглөө Эрдэнэт хотод хоёр охин 9 давхар байшингийн дээвэр дээрээс үсэрч амиа хорлохыг завдсан харамсалтай хэрэг гарчээ. Эрдэнэт хотод оршин суугчдын мэдээлж буйгаар тэд бага насны охид байсан аж. Ослын газар Онцгой байдлын албан хаагчид очсон бөгөөд охидын бие одоогоор тун тааруу сэхээнд байгаа гэх мэдээлэл байна.

Хэргийн шалтгааныг тодруулахаар аймгийн цагдаагийн хэлтэс ажиллаж байна. Өсвөр насны хүүхдүүддээ анхаарлаа хандуулан тэдний сэтгэл санааг ажиглан эрсдэлтэй алхам хийхээс сэргийлж, үр хүүхдээ хамгаалаарай гэсэн үүднээс эл мэдээг сэрэмжлүүлэг болгон хүргэж байна.