10 гаруй жилийн өмнийн өмнө болсон явдал ажээ.
Нэгэн япон жуулчин Монголд аялаж яваад Өвөрхангай аймгийн Хархорин сумын орчимд осолдож амиа алдсан юм. Осолдсон машины жолооч нь 20 ч хүрээгүй залуухан хүү байж. Шүүх хурлын өмнөхөн хохирогчийн ээж /Япон жуулчны ээж/ нь орчуулагчийн камерт үлдсэн бичлэгийг үзжээ.
Тэрхүү камерын бичлэгт жолооч хүү 6 хуушуур аваад 4-ийг нь япон залууд өгч байгаа дүрс үлдсэн байж. Энэ бичлэгийг үзсэн Япон ээж “Хүүгийн минь амьдралын сүүлчийн найзыг нь ялтан биш найз хэвээр нь үлдээе, би гомдолгүй” хэмээн шүүх хурал дээр хэлж үүнийгээ нотлон 3 хэлээр захиа бичсэн байна. Үүний ачаар жолооч хүү торны цаана суухаас аврагдсан юм байна. Одоо Хархорин сумын ойролцоо жижигхэн хөшөө байдаг гэх. Тэрхүү хөшөөг жолооч хүү босгон дээр нь ”Мөнхөд чиний найз” гэсэн утгатай үг сийлж үлдээжээ. Гайхамшигт хүндлэлүүд байгаа биз. Бие биенээ хүндэлж хайрлаарай.
Сэтгэгдэл (1)