Шатахуун түгээх станц дээрэмдсэн хоёр ч хэрэг гарсныг Хан-Уул дүүргийн Цагдаагийн II хэлтсээс илрүүлэн, бүлэг гэмт этгээдүүдийг саатуулаад байна.

Тодруулбал, энэ сарын 7-ны 02:00 цагийн орчимд Хан-Уул дүүргийн 10, 14 дүгээр хороонд байрлах “Мон-Суль” ШТС-ыг, наймдугаар сарын 18-ны 05:40 цагт “Сод Монгол” ШТС-ыг тус тус дээрэмджээ. Бүлэг гэмт этгээдүүд дээрх ШТС-уудад нүүрээ маскаар далдлан нэвтэрч, түгээгчдэд хутга тулган сүрдүүлж, сандал дээр хүлж орхиод, орлогынх нь хоёр сая 500 мянган төгрөг, камерын бичлэг хадгалах процессорыг авч зугтжээ.

Энэ гэмт хэргийг Төв аймгийн Зуун мод сум тавдугаар багт оршин суух иргэн Б 20 настай эрэгтэй, Чингэлтэй дүүргийн есдүгээр хороонд оршин суух 22 настай Ө, Төв аймгийн Сэргэлэн сумын гуравдугаар багт оршин суух 22 настай Х нар бүлэглэн дээрэмдсэн байна. Гэмт этгээдүүдийг Онц хүнд гэмт хэрэгтэй тэмцэх хэлтэс, Хан-Уул дүүрэг дэх Цагдаагийн хоёрдугаар хэлтсийн алба хаагч нар илрүүлэн ийн шалгаж эхэлжээ.