МАН-ын удирдлагууд төрийн албыг ахлах мэргэжилтнээс эхлээд дарга, сайдын суудлыг үнэлж наймаалах маягаар зөвхөн нийслэлээс гэхэд л 60 тэрбум төгрөг босгох талаар ярилцсан бичлэг нь өдгөө АТГ-т шалгагдаж байгаа билээ.

Энэ хэргийг АТГ-аас гадна Тагнуулын Ерөнхий газар, Цагдаагийн Ерөнхий газрын хамтарсан ажлын хэсэг хэсэг тус бүрээр нь шалгаж буй. Энэ хэргийг илчлэх 90 минутын бичлэгийг өнгөрсөн жил нийслэлийн Прокурорын газраас эвлүүлэг хэмээн үзэж, эрүүгийн хэрэг үүсгэхээс татгалзсан байсан ч өнгөрсөн долдугаар сараас эхлэн дээрх гурван байгууллагын ажлын хэсэг эрүүгийн хэрэг үүсгэн нягталж эхлээд байгаа юм.

Одоогоор нэр холбогдсон хүмүүсээс байцаалт авах ажиллагаа үргэлжилж байгаа бөгөөд 2016 оноос хойш төрийн албанд орсон 1400 иргэдээс байцаалт аваад байгаа аж. Мөн прокурор дахин шинжээч томилох ажиллагаа үргэлжилж байгаа гэнэ. Энэ хэргийн гол нотлох баримт болох 162 минутын бичлэг дээр саяхан  шинээр 5 орчим минутын бичлэг нэмэгдсэн байна. Тиймээс ажлын хэсгийнхний хяналт, шалгалт үргэлжилж байгаа юм байна.

24tsag.mn