Олон улсын эрэн сурвалжлах сэтгүүлчдийн байгууллагын мэдээлж байгаагаар Оффшор бүсэд данстай 130 мянга орчим этгээдийн 2.5 сая мэдээлэл ил болсон байдаг. Эдгээрээс Монгол Улсын 49 этгээдийн мэдээлэл гарч ирдэг ч энэ нь  29 иргэн 35 аж ахуйн нэгж холбоотой болох нь тогтоогдсон.

Оффшор бүсэд байх 29 иргэний 23 иргэн төрийн албанд ажиллаж байсан нь АТГ, цагдаагийн байгууллагын хамтарсан ажлын хэсгийн шалгалтаар тогтоогдсон тул бүх иргэдийг дуудаж, тайлбар байцаалт авчээ. Мөн АТГ-аас оффшорын асуудлаар гадаад улсын хамтарч ажилладаг 7-8 байгууллагад хүсэлт хүргүүлжээ. 

Хүсэлт хүргүүлсэн санхүү эдийн засгийн байгууллагаас хоёр нь хариу ирүүлсэн байна.  Оффшорын хэргийн мөрдөн байцаалтын явцын талаарх танилцуулгыг наймдугаар сарын 22-ны өдөр Ерөнхийлөгчид хүргүүлсэн байна.