Чингэлтэй дүүргийн хоёрдугаар хорооны нутаг дэвсгэрт байрлах "Алтжин" худалдааны төвийн урд талбайд зөвшөөрөлгүй худалдаа, "Содон бөмбөгөр" орчмын ил задгай худалдаа үйлчилгээ эрхэлж байсан иргэдийн үйл ажиллагааг зогсоолоо.

Улаанбаатар хотын Ерөнхий менежерийн 2017 оны наймдугаар сарын 25-ны өдрийн А/134 тоот тушаалын хэрэгжилтийг хангах ажлын хүрээнд Чингэлтэй дүүргийн ЗДТГ-ын Хүнс, худалдаа үйлчилгээний хэлтэс, Мэргэжлийн хяналтын хэлтэс, Цагдаагийн нэгдүгээр хэлтэс, Газрын алба, хоёрдугаар хорооны Засаг даргын Ажлын албатай хамтран газар чөлөөлөх ажлыг зохион байгуулж байна.