Монгол Улсын Тод манлай уяач, Монголын үр тариа эрхлэгчдийн газар тариалан холбооны ерөнхийлөгч Л.Цандэлэг тэргүүтэй уяачид охин хоргоосон талаарх мэдээлэл олон нийтийн сүлжээнд тархаж, шуугиан дэгдээгээд байгаа билээ. Тодруулбал 9-р сарын 30-наас 10-р сарын нэгэнд шилжих шөнө Замын-Үүдээс Авто тээврийн үндэсний төвийн хэлтсийн дарга Д.Батбаяр гэгчийн охин нь уяачдын холбооны зорчиж явсан автобусанд дайгджээ.

Ингэхдээ автобусыг нэг цаг гаруй хүлээлгэж байгаад суусан ч замд охиныг уяачдын холбооныхон шоглож, хоргоож, өдөөд амар тайван явуулахгүй байжээ. Тиймээс охин өөрийнхөө аав болох Д.Батбаярт утсаар дуулгажээ. 

Улмаар Д.Батбаяр Авто тээврийн үндэсний төвийн хэсэг албаны хүмүүстэй шөнө Сайншандад очиж автобусыг зогсоохыг шаардаж цагдаагийн байгууллагат уяачдын холбооныхонг шалгуулахаар өргөдөл өгсөн. Сайншандын цагдаагийн байгууллага автобусанд явсан бүх хүмүүсээс байцаалт авч автобусыг дөрвөн цаг орчим саатуулсан талаарх мэдээлэл цацагдаад байгаа юм.  Энэ талаар МАН-ын гэх тодотголтой залуус жиргэжээ. Энэ нь  Л.Цандэлэгт нэлээд хүндээр туссан бололтой. “Би хүчингийн хэрэг хийгээгүй. Цогоог хүчиндэнэ” гэж өөрийн цахим хуудаснаа бичсэн байна.