Төрийн соёрхолт, найруулагч Н.Наранбаатар, “Sweetymotion” хамтлагийн дуучин Э.Ганболор, залуу жүжигчин Б.Баттөр буюу Ангууч нар шинэ “хамтлаг” байгуулжээ. Тэд хэрэглэгчдийн хэзээний танил болсон “Хуба хаяа” брэндийн нүүр царай болохоор ийнхүү нэгдсэн байна.  Тус “хамтлагийнхан” Хуба хаяаг мэндэлсэн цагаас нь эхлэн хэрэглэж байгаа бөгөөд бүтээгдэхүүний чанарыг таньж, гайхамшигийг мэдэрсэн учраас “хамтлаг” байгуулж, цаашид “Хуба хаяа”-тай хамтран ажиллахаар болсон талаараа өнөөдөр мэдээлж, үйлдвэрийн үйл ажиллагаатай танилцлаа.

Жимс, жимсгэнэ боловсруулах “Хуба хаяа” үйлдвэрийг Холбооны бүгд найрамдах Герман улсын НИГ компанийн инженеринг, зураг төслийн дагуу байгуулжээ. Тус үйлдвэр нь одоогийн байдлаар чацарганы охь, үрийн тос, зөөлөн эдийн тос гэсэн гурван төрлийн бүтээгдэхүүнийг дөрвөн төрлийн савлагаатай үйлдвэрлэж байгаа аж.

“Хуба хаяа”-гийнхан гол түүхий эд болох чацарганаа Сэлэнгэ аймгийн Зүүнбүрэн суманд байрлах 100 га чацарганы талбайгаасаа нийлүүлж, эцсийн бүтээгдэхүүнийг үйлдвэрлэдэг байна. Тэд ийнхүү өөрсдийн ургацын талбайгаас хурааж ирсэн чацаргана жимсээ -18 градусын түүхий эдийн агуулахад хадгалж, улмаар үйлдвэрлэх хэмжээгээрээ автомат дамжлага руу оруулж цэвэрлээд үр, зөөлөн эдийг нь ялгаж чацарганы охийг гаргаж авдаг байна. Харин чацарганы охиос чацарганы зөөлөн эдийн тос, чацарганы үрийг хатаагаад үрийн тос гарган авч савлаад хэрэглэгчдэд хүргэдэг аж. Дээрх бүтээгдэхүүнүүдэд ямар нэгэн химийн нэмэлт бодис ороогүй гэдгээрээ онцлог болохыг "Хуба хаяа" үйлдвэрийн ахлах инженер Ц.Ган-Эрдэнэ тодотгож байлаа.

“Хуба хаяа” үйлдвэрийн савлах дамжлага хүртэл гурван төрлийн бүтээгдэхүүнийг үйлдвэрлэх хэсэг бүрэн автоматжсан. Бүтээгдэхүүнийг савлаад хөрснийх нь дараа дахин ариутгаж шошголох бөгөөд эцсийн бэлэн болсон Хуба хаяаг хайрцагт багцлах хэсэг нь л гар аргаар явагддаг байна. Тус үйлдвэрийн жимс боловсруулах хүчин чадал нь цагт нэг тонн, савлагааны хэсэг нь сард нэг сая шил үйлдвэрлэх боломжтой. Өөрөөр хэлбэл шилтэй охийг сард саяыг үйлдвэрлэх хүчин чадалтай аж. Тиймээс Монголын зах зээл төдийгүй гадагш гаргах эхний гэрээг хийж эхэлсэн байна.

“Хуба хаяа” үйлдвэртэй танилцах үеэр тус үйлдвэрийн зөвлөх инженер Д.Ганзориг чацарганы охийг хэрэглэснээр хүний биед ямар ашиг тустай талаар “Хүний биеийн эрүүл байх нол үндэс нь дархлалын систем сайн байх ёстой. Ингэснээр гаднаас орж ирсэн элдэв нян, бактерийг эсэргүүцэх юм. Үүний тулд чацарганы бүтээгдэхүүн тэр дундаа “Хуба хаяа” чацарганы охийг хэрэглэхийг зөвлөж байна.

Манай бүтээгдэхүүний онцлог нь чацаргана жимсэнд байх биологийн идэвхит 190 гаруй төрлийн бодисыг алдагдуулалгүйгээр герман технологиор боловсруулан гаргадаг. Энэ бол манай улсад байгаа цорын ганц технологи. Ингэж биологийн идэвхит бодисыг алдагдуулахгүй байх нь эрүүл мэндийг дэмжих онцгой ач холбогдолтой. Хоол боловсруулах, зүрх судас болон тархи мэдрэлийн системийг дэмжих дэмждэг.

Мөн сүүлийн үед нийгэмд нэлээд ажиглагдаж буй сэтгэл гутралын шинж тэмдгийг дарахад ч чацарганы охь эерэгээр нөлөөлж байна. Чацаргана жимсний хальсанд аз жаргалын даавар ихээр агуулагддаг тул энэ чиглэлд ч өндөр үр дүнтэй” гэдгийг онцолж байлаа.

“Хуба хаяа” “хамтлаг”-ийнхан үйлдвэрийн үйл ажиллагаатай танилцсныхаа дараа сэтгэгдлээ хуваалцсан юм. Энэ үеэр УДЭТ-ын ерөнхий найруулагч, төрийн соёрхолт Н.Наранбаатар “Дуусдаггүй, хамгийн том баялаг болох хүн өөрийгөө тогтвортой чимэх гол үндэс нь эрүүл мэнд бөгөөд дархлаагаа сайн байлгахын тулд чацарганы охь, чацарганы үрийн болон зөөлөн эдийн тосыг өдөр бүр хүнсэндээ тогтмол хэрэглэж занших хэрэгтэй. Монгол хүн бүр эрүүл байх нь ирээдүйгээ сайхнаар бүтээх үндэс юм” гэв.

Харин залуу жүжигчин Б.Баттөр “Хуба хаяа”-ийн бүтээгдэхүүнийг хувиараа судалж, өдөр бүр хэрэгцээт амин дэмээ авах боломжийг олгож харсан бөгөөд залууст энэ талаар мэдээлэл өгөхийг хүсч хамтлагт нэгдсэн гэдгээ хэлж байсан бол мэдээ орсон цагаасаа л өвөөгийнхөө хашаанд чацаргана идэж өссөн дуучин Э.Ганболор ч тус үйлдвэрийн бүтээгдэхүүнийг судалж, химийн бордоогоор бордоогүй, нэмэлт бүтээгдэхүүн ороогүй учраас өдөрт тутамдаа хэрэглэж тус бүтээгдэхүүний нүүр царай болж байгаагаа илэрхийлж байв. Тэрбээр чацарганы тос нь зөвхөн эрүүл мэнд төдийгүй ч эмэгтэйчүүдийн гоо сайханд өндөр үр дүн өгч байгаа учраас энэ мэдээллийг олон хүнд хүргэхийг хүсэж байгаагаа дуулгасан юм. Тэд Монголын зах зээл дээр худалдаалж буй хамгийн чанартай, хамгийн сайн бүтээгдэхүүний талаар илүү их мэдээллийг цаашид өгнө гэдгээ хэллээ.

24tsag.mn