Улсын дээд шүүхийн хяналтын шатны шүүх өнөөдөр Г.Дэнзэн нарт холбогдох хэргийг шүүн хэлэлцлээ. Өглөөний 09 цаг эхэлсэн тус шүүх хурал дөнгөж сая шийдвэрээ гаргалаа. Шүүх бүрэлдэхүүн анхан болон давж заалдах шатны шүүхээс Г.Дэнзэн нарт оноогоод байсан 2-3,6 жил хорих болон торгуулийн ялын шийдвэрийг хүчингүйд тооцлоо.

Улсын дээд шүүхийн шүүх бүрэлдэхүүн: Анхан болон давж заалдах шатны шүүхийн шийдвэр нь хуулийн шаардлага хангаагүй, гэмт хэргийн улмаас учирсан хор хохирлын хэмжээ, шинж чанарыг бүрэн нотлож, тогтоогоогүй байна хэмээн  дүгнэж, шийдвэрийг хүчингүй болголоо.

Уг хэргийн анхан болон давж заалдах шатны шүүхийн шийдвэр нь хуулийн шаардлага хангаагүй, гэмт хэргийн улмаас учирсан хор хохирлын хэмжээ, шинж чанарыг бүрэн нотлож, тогтоогоогүй байна хэмээн Улсын дээд шүүхийн шүүх бүрэлдэхүүн дүгнэлээ. Ийнхүү Г.Дэнзэн нарын хэргийг анхан шатны шүүхийн шат руу шилжлээ. Харин хэргийг шүүх шатанд очтол Г.Дэнзэнгийн цагдан хоригдох таслан сэргийлэх арга хэмжээг хэвээр үлдээв. Мөн Я.Батсуурь, Г.Түмэнхүү, Т.Төгсбаяр, Д.Баярмаа нарт хувийн баталгаа гаргуулах таслан сэргийлэх арга хэмжээг авах шийдвэр гаргалаа.

Дашрамд өгүүлэхэд, хэрэг анхан шатны шүүхийн шат руу шилжсэн тохиолдолд хэргийг дахин урьдчилан хэлэлцээд хэргийг мөрдөн байцаалт руу буцаах уу, эсвэл шүүх рүү явуулах уу гэдгийг шийдэх юм.

Б.Батчимэг