Төрийн албан хаагчийн нийгмийн баталгааг хамгаалсан шүүхэд баярлалаа

2017-10-26

Иргэн Д.Чойжилсүрэн миний бие улсад 36 жил ажилласан. Боловсрол, Биеийн тамир спортын байгууллагад захирал, дарга удирдах ажилтнаар тасралтгүй 23 жил ажилласан.

Энэ хугацаанд ардын хүүхэд, багачуудыг сургаж хүмүүжүүлэх, ариун үйлсэд амьдралаа зориулсан. Миний биеийг Завхан аймгийн Засаг даргын 2016 оны 11 дүгээр сарын 15-ны өдрийн Б/135 дугаар захирамжаар ажлаас чөлөөлсөн. Би Завхан аймаг дахь захиргааны хэргийн анхан шатны шүүхэд нэхэмжлэл гаргаснаар шүүх нэхэмжлэлийг хүлээн авч, хурдан шуурхай ажиллаж, шударгаар шийдвэрлэсэн.

Завхан аймгийн Захиргааны хэргийн анхан шатны шүүхийн 2017 оны 02 дугаар сарын 15-ны өдрийн 13 дугаартай шийдвэрээр аймгийн засаг даргын буруутай үйл ажиллагааг таслан зогсоосон боловч, аймгийн засаг дарга давж заалдах шатны шүүхэд хандсан. Захиргааны хэргийн давж заалдах шатны 2017 оны 04 дүгээр сарын 04-ний өдрийн 121/МА2017/0257 дугаартай магадлалаар намайг хууль зөрчөөгүйг магадалсан.

Завхан аймгийн Засаг дарга Д.Батсайхан 2017 оны 05 дугаар сарын 04-ний өдөр ажилд эгүүлэн томилоод, 05 сарын 08-ны өдрийн Б/64 тоот захирамжаар дахин чөлөөлсөн үйлдэл гаргасан.

Миний бие энэ үйлдлийг тэвчиж чадаагүй учир дахин шүүхэд хандаад 2017 оны 09 дүгээр сарын 06-ны өдрийн 59 дугаартай шийдвэрээр Биеийн тамир, спортын газрын даргаар томилогдох болсондоо туйлын их баярлаж байна.

Завхан аймаг дахь захиргааны хэргийн анхан шатны шүүхийн Ерөнхий шүүгч Л.Тунгалаг, шүүгч Ч.Цэнд-Очир шүүгчийн туслах П.Янжмаа, нарийн бичгийн дарга Д.Ганчимэг, Улаанбаатар хот дахь захиргааны хэргийн давж заалдах шатны шүүгч О.Номуулин, Э.Билгүүн, Б. Тунгалагсайхан нарийн бичгийн дарга Н. Батзориг нартаа ажилд нь амжилт, гэр бүлд нь аз жаргал, сайн сайхан бүхнийг хүсэн ерөөж байна.

Цаашид ч төрийн шүүх шударга байж, гэмгүй иргэдийг хэлмэгдүүлдэг, нэр төрд нь халддаг, сэтгэл зүйд нь нөлөөлдөг үйл ажиллагааг таслан зогсоож, төрийн албан хаагчдын нийгмийн баталгаа хангагдаж, төр төр шиг болж ийм үйлдэл надаар дуусна гэдэгт би итгэж байна. Яагаад гэвэл Монгол төрийн шүүх төрийн албан хаагчдаа хуулийн хүрээнд хамгаалж, шударга шийдвэрлэсэнд маш их баярлаж байна гэв.

Талархал илэрхийлсэн Завхан аймгийн Улиастай сумын иргэн, ахмад багш Д.Чойжилсүрэн.

2017 оны 10 сарын 26

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (2)

ооооо (103.206.195.166)

шүүх үнэний талд ажиллах талд хангалтгүй байгаа цалин өндөр авах тусмаа мөнгөтэйд нь үйлчилдэгээ больмоор байна шудрага хуульч ховорхон доо үүнийг цэвэрлэх цаг нь болж байх шиг байна

2017 оны 10 сарын 26 | Хариулах
Pkxny (124.158.111.6)

Шүүхийг цэвэрлэх цаг болжээ. Нямдорж сайд аа? Лүндэндорж гэдэг гэмт хэрэг хийсэн хүн ШЕЗ-ийг толгойлж байхад шүүх хуулийн дагуу ажиллаж чадах уу?

2017 оны 10 сарын 26 | Хариулах
Зочин (66.181.179.221)

шүүхийг удирдаж байгаа хүн ньЛүндэндорж согтуугаар машин бариж яваад хүн дайрч алсан хүн байхад Нямдаорж сайд хэлсэн. Энэ шүүгч нар тийм л их шудрага юм бол та энэ салбарыг удирдаж болохгүй ягаад гэвэл та гэмт хэрэгтэн гээд хэлчих шүүгч байхгүй л байгаа байгаа шүү дээ тэгсэн хэрнээ яасан ч сүрхий нйитлэл бичээвдээ. Ер нь өнөөгийн Монголын нийгэм эдийн засгийн болон сэтгэлгээний өнөө цагт мянган сайхан хууль дүрэм журам тангараг байгаад шүүхийн шүүгч нар хэзээч шударга шийдвэр гаргахгүй. Яагаад гэвэл тэдний амьдаралд шударга шийдвэр гаргана уу гаргахгүй байна уу огт хамгаагүй учир, Харин шүүгч нарын өмнө Дараах сонголт ирвэл тэд яалт ч үгүй шударга шийдвэр гаргана Тэр нь юу Вэ? Гэхээр Шударга бус шийдвэр гаргаад ажлаасаа халагдаад ажил ч үгүй амьдрал ч үгүй болохуу? Эсвэл Шудрага шийдвэр гаргаад ажилтай амьдралтайаа үлдэхүү гэдэг сонголтын өмнө ирвэл шудрага шийдвэр гарна. Гагцхүү хуулинд ийм л зохицуулалт хийж өгөх хэрэгтэй.

2017 оны 10 сарын 26 | Хариулах
номуун (202.55.191.205)

1 ч гэсэн хууль бусаар чөлөөгдсөн хүний талд шүүхийн шийдвэр гарсанд баяртай байна. Ихэнхдээ ийм маргаанд ажлаас чөлөөлөгдсөн нэхэмжлэл гаргасан хүн заргаа авдаг. Гэвч нөгөө тал ажилд нь эгүүлэн томилох нь өдрийн од шиг доо. Томилсон ч байнгын дарамтад, шүүхээр заргалдаж байгаад буцаад ирсэн их эдээ гэсэн хандагатай, ялих ялихгүй зүйлээр арга хэмжээ авчих гээд их л дарамтад ажилладаг. Нилээд нь ингэж байхаар яршиг гээд өөрснөө сайн дураараа өргөдлөө өгөөд явдаг даа. Гашуун үнэн

2017 оны 10 сарын 26 | Хариулах
номуун (202.55.191.205)

1 ч гэсэн хууль бусаар чөлөөгдсөн хүний талд шүүхийн шийдвэр гарсанд баяртай байна. Ихэнхдээ ийм маргаанд ажлаас чөлөөлөгдсөн нэхэмжлэл гаргасан хүн заргаа авдаг. Гэвч нөгөө тал ажилд нь эгүүлэн томилох нь өдрийн од шиг доо. Томилсон ч байнгын дарамтад, шүүхээр заргалдаж байгаад буцаад ирсэн их эдээ гэсэн хандагатай, ялих ялихгүй зүйлээр арга хэмжээ авчих гээд их л дарамтад ажилладаг. Нилээд нь ингэж байхаар яршиг гээд өөрснөө сайн дураараа өргөдлөө өгөөд явдаг даа. Гашуун үнэн

2017 оны 10 сарын 26 | Хариулах