Хоёр сарын өмнө “Очир” төвийн зочид буудлын өрөөнд 13 настай М охин амиа алдсан харамсалтай хэрэг гарсан билээ. Тэгвэл нийгмийг цочироосон тус хэрэг гарсан Очир төвийн буудлын эзэн Оюунтуяад цагдаагийн байгууллагаас эрүүгийн хэрэг үүсгэн шалгаж эхэлсэн байна.

Учир нь хэрэг гарсны дараахан тэрбээр “Талийгаачийг архи дарс олон хоногоор хэтрүүлэн хэрэглэсэн байсан, буудал хэсч явдаг” гэх мэтээр ярьжээ. Энэ нь ар гэрийнхэнд нь хүндээр тусч, талийгаачийн нэр хүндэд нь халдсан тул аав Т.Лхагвасүрэн нь гомдол гаргажээ.

Тэрбээр  Баянзүрх дүүргийн Цагдаагийн хоёрдугаар хэлтэст хандан “Очир” төвийн зочид буудлын эзэн Оюунтуяаг болсон үйл явдал болон охины тухай ярьсан зүйлтэй холбогдуулан шалгахыг хүссэн өргөдөл өгсөн аж.