09.00 цагт УУХҮ-ийн сайд Д.Сумъяабазар Налайх дүүргийн түгээмэл тархацтай ашигт малтмал олборлох болон боловсруулах үйлдвэрүүдийн үйл ажиллагаатай танилцана.

09.00 цагт МХЕГ-т тус байгууллагаас импортоор орж ирж буй хүүхдийн тоглоомын чанар, аюулгүй байдлын талаар хэлэлцүүлэг зохион байгуулна.

09.30 цагт ШУА-ын Тэргүүлэгчдийн газарт “Тогтвортой хөгжил: Оюуны соёл” эрдэм шинжилгээний бага хурал болно.

09.30 цагт “Blue sky” зочид буудалд “Ногоон барилгыг хөгжүүлэх нь” хэлэлцүүлэг болно.

10.00 цагт БСШУСЯ-нд Үндэсний статистикийн хороо, Биеийн тамир, спортын газраас спортын салбарын статистикийн улсын анхдугаар тооллогыг зохион байгуулагчдад зориулсан сургалт зохион байгуулна.

11.00 цагт Цэргийн дуу бүжгийн Эрдмийн чуулгын байранд ЮНЕСКО-д бүртгэгдсэн Монголын соёлын биет бус өвүүдийн нэрэмжит булангийн нээлт болно.

11.00 цагт “Теди” төв, "Юнител" компанийн “40 мянгат” салбар болон “Скайтел” компанийн төв байранд "Хэрэглэгчээ сонсъё 2017" нээлттэй өдөрлөг болно.

12.00 цагт “Live conference center”-т “Хамаг Монгол” МСҮТ-ийн оюутнууд “Эм Си Эс”, “Шунхлай” “Жем интернейшнл” зэрэг томоохон компаниудын удирдлагуудад шаардлага хүргүүлэх талаар мэдээлэл хийнэ.

12.00 цагт Стандарт хэмжил зүйн газарт Улаанбаатар төмөр замын Зүүнхараагийн вагон засварын депод олон улсын чанарын удирдлагын MNS ISO 9001:2016 стандартын гэрчилгээ олгох ёслол болно.

18.00 цагт Ерөнхий сайд У.Хүрэлсүх Сонгинохайрхан дүүргийн 65-р сургуулийн нөхцөл байдалтай танилцана.