Баруун бүсийн тулгуур төв Ховд хот, Нийслэлийн Зүүн бүсийн тулгуур төв болох Багануур дүүргийн 2030 он хүртэлх ерөнхий төлөвлөгөөг Засгийн газрын хуралдаанаар баталжээ. Ингэснээр баруун хязгаартаа болон нийслэлийн ойролцоо дараагийн хотууд бий болох боломж бүрдэх аж.

Тодруулбал 2015 онд Засгийн газрын тогтоол гарч, ШУТИС-ийг тийшээ  нүүлгэх шийдвэр гарсан байна.  Цаашдаа  энэ шийдвэрийг хэрэгжүүлж ажиллана гэдгийг Барилга, хот байгуулалтын сайд Х.Баделхан мэдэгдэв.

Мөн Багануур жижиг, дунд үйлдвэрлэлийг хослуулсан, хариуцлагатай уул уурхайг дэмжсэн, аялал жуулчлал, жижиг, дунд үйлдвэрлэл хөгжсөн, ажилгүйдэл, ядуурал буурсан, экологийн цэвэр бүтээгдэхүүн үйлдвэрлэгч хот болгох гэнэ.