Юуны өмнө уншигч олондоо энэ өдриин мэндийг хүргэн сайн сайхныг хүсье. Энэ жилийн тухайд гэнэт хүйтэрсэн нь ханиад томуугаар олон хүмүүсийг өвчлүүлэн улмаар бага насны хүүхдүүдийн дунд хамрын үрэвсэлт өвчин, дунд чихний цочмог үрэвслээр илүүтэй өвдөх явдал ажиглагдаж байна. Амьсгапын эамын цочмог халдварын гол хүндрэл нь дунд чихний цочмог үрэвсэл юм. Энэ өвчнөөр 3 хүртлэх насны хүүхдүүдийн 80 хувь нь өвчилдөг болох нь судалгаагаар батлагдсан бөгөөд эмчлэхгүй бол архаг хэлбэрт шилжиж чихнээс үе үе булаг гарах, сонсгол муудах, гавал тархины хүндрэл өгөх зэрэг ноцтой үр дагавартай байдаг. Иймээс уншигч танд тухайн өвчний талаар товч ойлголтыг Клиникийн профессор АУ-ын магистр, чих хамар хоолойн эмчийн тэргүүлэх зэрэгтэй, Төгс сонсголон эмнэлгийн ерөнхий эмч П.Оюунчимэгийн зөвлөгөөнөөс хүргэж байна. 

ДУНД ЧИХНИЙ ЦОЧМОГ ҮРЭВСЭЛ ГЭДЭГ НЬ ДУНД ЧИХНИЙ САЛСТ БҮРХЭВЧИЙН НЯНГИЙН БОЛОН ВИРУСЫН ГАРАЛТАЙ ҮРЭВСЛИИГ ХЭЛНЭ.

Халдвар дунд чихний хондий руү ихэвчлэн хамар нармайгаас сонсголын гуурсаар дамжин халдварлах ба мөн цусаар дамжин халдварлэх боломжтой.

Вирусын гаралтай ДЧЦҮ нь ихэвчлэн цусаар дамжин халдварлах ба энэ нь ихэвчлэн амьсгалын дээд замын халдварын үед тохиолдоно. Вирусын халдвар нь ихэвчлэн нянгийн халдвараар хамт халдварлагдсан байдаг.

Хэнгэргэн хальсны гэмтлийн үед гаднаас тухайлбал бассейны усаар дамжин халдвар дунд чихний хөндийд орох боломжтой. ДЧЦҮ нь тийм ч ховор өвчин биш бөгөөд ялангуяа бага насны хүүхэд маш их өвчилдөг. Бүх хүүхдийн 80% нь гурав хүртэлх насандаа ДЧЦҮ-ээр өвддөг болох нь судалгаагаар тогтоогдсон. Энэ нь хүүхдийн сонсголын гуурс богино, өргөн хэвтээ байрладаг тул хамар нармайгаас халдвар дунд чихний хөндийд амархан дамжин ордгоор тайлбарлагдана. 

Чих дурандах үзлэгээр хэнгэргэн хальс улайсан, таних тэмдгүүд арилсан байх бөгөөд магадгүй хэнгэргэн хальс цүлхийж хавагнасан байдаг. Мөн жижиг цооролт үүсч идээрхэг ялгадас гоожно.

2-3 долоо хоногийн дараа хэнгэргэн хальсны улайлт арилж, нимгэрч, цоорхой битүүрч эдгэрдэг. 

ШИНЖ ТЭМДЭГ

ДЧЦҮ-н эхний үед тухайлбал эхний 2 өдөр чих лугшиж өвдөх, халуурах, чих шуугих, сонсгол сулрах шмнж илэрнэ. Мөн хөхлөг сэртэн чамархайн яс хөндүүрлэх дотор муухай болох, бөөлжих шинж хавсарч болно Бага насны хүүхдийн тухайд гэнэт уйлах чихээ татах үрэх шинж элбэг тодорхойлогддог бөгөөд чихнээс булаг гарч өвдалт амархан намддаг.

ДЧЦҮ-н хүнд тохиолдолд хэнгэргэн хальс цоорч идээрхэг ялгадас гардаг. Энэ үйл явц 3-3 хоног үргэлжлэх бөгөөд антибиотик эмчилгээ хийснээр хэнгэргэн хальс цоорохоос сэргийлэх боломжгой. ДЧЦҮ-н үед сонсгол мэдрэхүйц буурах ба 2-4 долоо хоногийн дараа бүрэн сэргэдэг.

Энэ өвчний үед мэргэжлийн эмчид үзүүлж эмчлүүлбэл бүрэн эдгэрэх боломжтой.