Тэтгэврийн зээлийн хүүг 12 хувь болгосон Засгийн газрын шийдвэр өнөөдрөөс хэрэгжих боллоо. 

Нийт тэтгэвэр авагчдын 91.8 хувь ХААН болон Төрийн банкаар үйлчлүүлдэг байна. Тиймээс Нийгмийн даатгалын ерөнхий газар энэхүү хоёр банктай хамтран 12 сар хүртэлх тэтгэврийн мөнгөний 70 хувьтай  тэнцэх хэмжээний зээлийн хүүг 3-6 пунктээр бууруулж, нэг сард 1 хувь, нэг жилд 12 хувь болгосон. 

Харин 12 сараас илүү хугацаагаар зээл авахыг хүсвэл банкны эх үүсвэрээр буюу 18 хувийн хүүтэй зээл авах боломж нь тэтгэвэр авагчдад нээлттэй хэвээр үлдэж байгаа аж. 

Мөн тэтгэвэр авагчид өмнө нь тэтгэврээ 100 хувь зээл болон зээлийн хүүд нь төлдөг байсан. Харин цаашид зээл, зээлийн хүү нийлээд тухайн тэтгэврийн 70 хувьтай тэнцэх хэмжээний зээл олгож, 30 хувийг өөрт нь сар бүр олгож байхаар  зохицуулсан байна.

Ингэснээр тэд сар бүр тогтмол орлоготой үлдэж, ахмад настны нийгмийн баталгаа нь хангагдахад тодорхой нөлөө үзүүлнэ гэж холбогдох албаны хүмүүс үзэж байгаа юм.