Холливүүдийн хамгийн сайхан залуусын тоонд  зүй  ёсоор тооцогддог "Титаник" киноны Жекийн дүрээр анх алдаршсан Леонардо ДиКаприогийн ярилцлагийг хүргэж байна.

-Танаас яагаад ч юм анхны хайрын тань талаар асуумаар байна. Таны анхны хайр бүтэж байсан уу? 

-Миний анхны хайр уу. Үнэхээр санахгүй байх гэж айж байна шүү. Гэхдээ тэр хайр анхны бас жинхэнэ хайр минь байсан бол би одоо гэрлэчихсэн яваа байлгүй дээ. Тийм биз дээ. / инээмсэглэв/.

-Та ер нь ямар  эмэгтэйг таашаадаг  вэ? Зөвхөн гадаад төрх биш бүх л талаараа.

-Хорон санаатай, зальтай, үглээ хүүхнүүд надад таалагддаггүй. Мэдээж хүн  бүхэнд таалагддаггүй байх.  Би мөн бусад эрчүүдийн адил байгаагаараа байдаг, илэн далангүй, юманд үнэн сэтгэлээсээ ханддаг бүсгүйчүүдийг таалдаг. Хамгийн гол нь хүнлэг, сайн хүн л байвал надад сайхан санагддаг. Энэ үнэн шүү /инээв/. "Титаник"-т тоглох хүртэл бүсгүйчүүдтэй танилцаж, уулзахад илүү амар байж. Түүнээс хойш байдал хүндэрч эхэлсэн. Тэр хүртэл би бүсгүйчүүдтэй болзохдоо цаанаа ямар ч санаагүй, зөвхөн намайг эр хүнийх нь хувьд сонирхож ирж байгаа гэдгийг гарцаагүй мэддэг байсан. /инээв/

- Та яагаад гэрлэдэггүй юм бэ?

-Мэдэхгүй юм даа. Хүүхэдтэй болохыг хүсч байна. Харин эхнэр авахын хувьд бол бараг үгүй биз дээ. Ээлжит найз бүсгүйтэйгээ учрахад сайхан л байдаг. Гэвч бас амаргүй шүү. Нэг бүсгүйтэй нэг дор удаан амьдарна гэдэг хэцүү. Бөөн үүрэг хариуцлага, өөрийгөө золих шаардлага аяндаа гардаг юм шиг.

-Таныг эхийгээ төгс эмэгтэй гэж үзсэн "ээжийн хүү" хэвээрээ байгаа болохоор одоо хүртэл гэрлэхгүй гэж ярьдаг. Энэ хэр үнэний хувьтай  вэ?

- Ээждээ би их хайртай. Энэ гарцаагүй үнэн. Ээж минь намайг юмаар дутаалгүй өсгөж, амьдралын үнэ цэнийг ойлгуулж өгсөн. Миний амьдралд хоёр л эмэгтэй хүн үргэлж хамгийн гол хүмүүс байсаар ирсэн нь эмээ, ээж хоёр. Эмээ минь харамсалтай нь 2008 онд өөд болсон. Эмээ минь ээжийг  Дэлхийн хоёрдугаар дайны үед аварч гарсан гэдэг. 1941 онд ээж минь өвдөөд герман цэргүүдийн хэвтдэг эмнэлэгт хүргэгдсэн юм билээ. Эмээ маань ээжийг хоёр жилийн турш асарч байж, эрүүл саруул хүн болгосон гэж ярьдаг юм. Харин хожим ээж миний төлөө өөрийгөө золиосолсон. Би ээжээрээ бахархдаг. Үүнийгээ ч хэлэх дуртай.

-Ээж тань таныг өнөөдрийн  алдар хүндэд хүрэх  замд хамгийн их тусалсан гэж ярьж байхыг тань мэдэх юм  байна. Энэ дурасмжаасаа хуваалцаач.

-Намайг онцгой авьяастай хүүхдийн сургуульд оръё гэхэд ээж шууд л зөвшөөрсөн. Бүтэн гурван цагийн турш явж байж очдог тэр сургууль руу ээж минь намайг өдөр бүр хүргэж өгдөг байлаа. Тэр сургуульд би боловсрол эзэмшиж, амьдралыг олон талаас нь харах чадвартай болсон. Одоо ч гэсэн миний ижий сонирхол, хүслийг минь байнга дэмждэг. Би дэлхийн сонирхолтой бүх музей, газар нутгийг үзэхийг хүсдэг. Үүндээ ихээхэн цаг зарцуулдаг. Ээж маань миний хамгийн дотны зөвлөгч.

-Та байгальд аялах дуртай байхаа. Байгалиас өөр сонирхлыг тань татдаг зүйл юу вэ?

Африкийн зэрлэг амьтдыг өөрийнхөө нүдээр нутагт нь харах сайхан байдаг. Мөн уран зураг сонирхож, чамгүй цуглуулгатай болсон. Гэхдээ намайг кино шиг татдаг зүйл үгүй. Сүүлийн хэдэн жилийн турш би "ногоон" амьдралын дэглэм мөрдөж байгаа. Цахилгаан машин унаж, зөвхөн нарны элчээр цэнэглэгд дэг байшинд амьдарч байгаа.

-Богино хугацаанд сайхан ярилцсан  танд баялалаа. Дараагийн удаад хувийн амьдарлыг тань бус уран бүтээлийн  яриа өрнүүлэх болно.

- Тэгнэ гэж найдаж байна. Гэхдээ ойрын хугаанд дахин ярилцахгүй л болов уу.  Учир нь шинэ  киноны ажил эхэлж байгаа. Би зөвхөн кинондоо л зав гаргаж чадна.