Өнөөдөр Монголын сэтгүүл зүйн 105 жилийн ойн өдөр.
09:00 цагаас "Замын хөдөлгөөний аюулгүй байдлын төлөө-Хамтдаа шийдье" анхдугаар зөвлөгөөн ХУД-ийн "Corporate Convention center"-д болно.
09:00 цагаас “Бишрэлт” зочид буудалд “Замын-Үүд” чөлөөт бүсийн Захирагчийн Ажлын албанаас “Чөлөөт бүс дэх экспорт, импортын боломж, давуу тал” сэдвээр МУ-ын Шадар Сайдын Ажлын алба , Дэлхийн банк болон бусад байгууллагуудтай хамтран сургалт зохион байгуулна.
10:00 цагаас 6 настай хүүхдүүдийг сургуульд дасан зохицож, амжилттай суралцахад туслах шилдэг арга барилуудыг түгээх уулзалт "Крокус Эвент Холл"-д болно.
10:00 цагаас ЮНЕСКО-ийн Монголын үндэсний комисс үүсэн байгуулагдсаны 55 жилийн ойг тохиолдуулан зохион байгуулж буй Монгол Улсаас ЮНЕСКО-Д 2017 онд бүртгэгдсэн өвүүдийн батламж гардуулах ёслол Гадаад харилцааны яамны "Номин" танхимд болно. 2017 онд ЮНЕСКО-д бүртгэгдсэн Дагуурын ландшафт, Данжуурын гэрэлт хөшөө, Уул овоо тахих Монгол зан үйл хэмээх 3 өвийн батламж гардуулах юм байна.
11.00 цагаас "Зууны мэдээ" сонины мэдээллийн төвд ардын хувьсгалаас хойш Монголд анхны лхаарамба цолыг Д.Жавзандорж лам амжилттай хамгаалсан талаар "Сумади Гирди" төвөөс мэдээлэл хийнэ.
11:00 цагт Авлигатай тэмцэх газрын дэргэдэх Олон Нийтийн Зөвлөлөөс "АТГ нь авлигатай тэмцэхгүй байгааг 2017 оны авлигын индекс батлав уу?" сэдвээр хэвлэлийн хурал хийнэ. Хурал АТГ-ын хурлын зааланд болно.
