“Хөдөлмөрийн аюулгүй ажиллагаа, эрүүл ахуйн дэлхийн өдөр”-ийг угтан хийдэг "ХАБЭА-н сарын аяны" нээлт өнөөдөр болж байна. Энэ удаагийн дэлхийн өдрийн уриа нь "Эрүүл аюулгүй залуу үеийн төлөө" гэсэн уриатайгаар дэлхий нийтээрээ тэмдэглэж байгаа аж.

Үйлдвэрлэлийн осолд өртөх эрсдэлээр залуучууд илүү өндөр хувийг эзэлдэг байна. Манай орны хувьд ч өсвөр үе, залуучуудад ХАБЭА талаарх мэдээллийг олгох, ажлын байрны аюул эрсдэлийн талаарх ойлголтыг нэмэгдүүлж, стандарт, шаардлага хангасан, эрүүл, аюулгүй ажлын байранд ажиллах эрхээ эдэлж, өөрийгөө болон бусдыг аюул, ослоос урьдчилан сэргийлэх соёл, хандлагыг төлөвшүүлэх ажлыг зохион байгуулах нь чухал юм.

ХАБЭА-н асуудал нь зөвхөн ганц сар яриад болох асуудал биш юмаа, өдөр тутам альч салбарт яригдаж байдаг чухал асуудал юм. Нэг сарын хугацаа бол бидний ажлыг эрчимжүүлэх сар гэж ойлгож болно. Аймаг орон нутгууд өөрсдийн онцлог хэрэгцээнд тулгуурлан энэ сарын аяныг өргөн хэмжээнд зохион байгуулж байна.ХАБЭА-н асуудал нь өргөн хүрээний асуудал, үүнд олон талын хамтын ажиллагаа ихээхэн чухал юм. Ялангуяа ажил олгогч, ажилтны үүрэг хариуцлага хамгийн чухал, Ажил явагдаж байгаа газарт ажлын хөдөлмөрийн нөхцөл, эрүүл ахуйн нөхцөл яригдаж, аюул эрсдэл дагаж байдгийг байнга санаж, цаг ямагт анхаарал хандуулж байж хөдөлмөрийн хүнээ хамгаалж чадах юм байна.