Сэлэнгэ аймгийн Мандал сумын уугуул жүдо бөхийн Олон Улсын хэмжээний мастер Г.Баатарсүрэнгийн нэрэмжит жҮдо бөхийн өсвөр үеийн 2018 оны Монгол Улсын аварга шалгаруулах тэмцээн Сэлэнгэ аймагт амжилттай болж өндөрлөлөө.
Тэмцээний нээлтийн үйл ажиллагаанд Монгол Улсын Хөдөлмөрийн баатар, 2004 оны Афины олимпийн 60 кг-ийн жингийн хүрэл медальт МУГТ Х.Цагаанбаатар, “Атланта-1996” Олимпийн жүдо бөхийн 60 кг-ын жингийн хүрэл медальт МУГТ Д.Нармандах, Монгол Улсын заан Н.Жаргалбаяр, начин Б.Дэлгэрсайхан, жүдо бөхийн Олон Улсын хэмжээний мастер Г.Баатарсүрэн нарын алдартнууд хүрэлцэн ирж оролцлоо. Аймгийн ЗДТГ, Монголын жүдо бөхийн холбоо, “Шинэбадрах” ХХК хамтран зохион байгуулсан энэхүү тэмцээнд нийт 46 багийн тамирчид, хөвгүүдийн 25, охидын 16 жинд хурд хүч авхаалж самбаагаа сорин өрсөлдлөө. Тэмцээн гурван үе шаттай явагдаж, сүүлийн өдөр 7 жингийн аваргууд тодорч, багийн халз барилдаан явагдан аваргуудаа тодруулсан юм. Ингээд тэмцээний +50кг жингийн алтан медалийг Намбардагва /Алдар/, -50кг-д А.Анхбаяр /Завхан аймаг/, -46кг-д Э.Энхтөр /Спорт сургууль/, -42кг жинд Н.Нэргүй /Хэнтий/, -38кг жинд н.Жанцансүрэн /Алдар/, -34кг жинд н.Энхсайхан /Спорт сургууль/, -30кг жингийн алтан медалийг М.Мөнхбат /Хилчин/ нар тус тус хүртжээ. Мөн тэмцээний багийн дүнгээр эрэгтэйчүүдээс Женко клуб алтан медал хүртэж, Дархан, Ховд багууд мөнгө, хүрэл медалийн эзэд болжээ. Мөн эмэгтэй багаас аваргын алтан медалийг Спорт сургуульхүртэж, Женко, Ховд, “Шинэбадрах” багууд мөнгө, хүрэл медаль хүртжээ. Тэмцээн энэ сарын 16-21-нд Сэлэнгэ аймгийн Биеийн тамир спортын ордонд боллоо.