Дэлхийн шилдэг спортын нэг болох хөлбөмбөгийн ДАШТ тэмцээн ОХУ-д болохоор бэлтгэлээ базааж байна. Энэ удаагийн ДАШТ-ний нээлтэнд Монгол хүүхэд анх удаа оролцох боломжийг “Киа Моторс Монголиа” ХХК олгож байгаа юм. Дэлхийн шилдэг багуудын тоглолтыг нээх үйл ажиллагаанд Монгол хүүхэд оролцох талаар дараах ярилцлагыг хүргэж байна.
-Олимпийн наадмаас дутахааргүй нэр хүнд, үзэгчдийг байлдан дагуулж чаддаг спорт бол хөлбөмбөг. Хойд хөршид болох энэ удаагийн ДАШТ-д монгол хүүхэд оролцох боломжтой болсоныг дуулахад таатай байна?
-ДАШТ-ний хамтрагч түншээр ажиллаж буй Киа корпорацийн дистрибьютор 64 улстай өрсөлдөж Монгол хүүхэд анх удаа тус тэмцээний тоглолтыг эхлүүлэх нээлтэнд оролцох эрхийг авч чадсандаа баяртай байна. Дэлхийн шилдэгийг шалгаруулах гал гарсан 64 тоглолт болно. 40-н тоглолтын бөмбөгийг орос хүүхэд гардуулах бол үлдсэн 24 тоглолтын бусад орны хүүхдүүд гардуулна.
-Үлдсэн 24 улсын хувьд эх орноо төлөөлөн ДАШТ-ний ногоон талбайд гарах хүүхдээ сонгон шалгаруулах нь мэдээж. Харин манай улсын хувьд ямар шалгуураар сонгох вэ?
-Улс орнуудын хувьд төрөл бүрийн сонгон шалгаруулалтаар оролцогч хүүхдээ шалгаруулж байгаа. Харин бидний хувьд “Миний мөрөөдлийн Киа” сэдэвт эссэ бичлэгийн уралдааныг зарласан.
-Яагаад заавал эссэ бичлэгийн уралдаан гэж?
-Бусад орнуудын хувьд шүлэг, фото зураг, чөлөөт бүтээл зэрэг уралдаанаар хүүхдээ сонгон шалгаруулж байна. Бидний хувьд эссэ бичлэгийн уралдааныг зохион байгуулах нь зөв үзсэн. Учир нь монгол хэл дэлхийд байхгүй найруулга зүй, үгийн баялагтай. Энэ агуу хэл, бичгийн соёлыг хүүхэд багачууд минь хойч үедээ өвлүүлэн үлдээх ёстой.
-Хөлбөмбөгийн спортод хайртай хүүхдүүд олон бий. Хүүхэд бүр энэ уралдаанд оролцож ялагч болж ногоон талбайд гарахыг хүсэж байгаа. Уралдааны хамрах хүрээ, шалгаруулах журмын талаар тодруулбал?
-“Миний мөрөөдлийн Киа” эссэ бичлэгийн уралдаанд ЕБС-ийн 10-14 насны хүүхдүүд оролцох боломжтой. Эссэ бичлэгийн уралдаанаас есөн хүүхдийг шалгаруулна. Шүүгчдийн бүрэлдэхүүн шалгарсан хүүхдүүдээс англи хэлний мэдлэг, харилцааны ур чадвар зэргийг үнэлэн ялагч хүүхдийг тодруулна. Эссэ-г ирэх тавдугаар сарын 3-ны өдөр хүртэл MyDreamKia@kmm.mn, “Kia Motors Mongolia” Facebook цахим хуудас болон Чингис И март худалдааны төвийн 3-н давхарт байрлах “Киа автомашины үзэсгэлэнгийн танхим”-д хүлээн авах болно.
