2017 оны байдлаар дэлхий дахинд ажилгүйчүүдийн тоо 192,7 саяд хүрсэн нь урьд байгаагүй дээд хэмжээнд хүрлээ гэж Олон улсын хөдөлмөрийн байгууллагын илтгэлд дурдсан байна.

2016 онтой харьцуулахад энэ үзүүлэлт 2,6 сая хүнээр өсч ажилгүйдлийн түвшин 5,6 хувьд хүрчээ.

Энэ байгууллагын урьдчилсан тооцоогоог энэ тоо 2018 онд нэг их өөрчлөгдөхгүй, 2016 оны эцсээр өөрчлөгдсөн хэмжээндээ байх бололтой.

“Дэлхий дахины ажилгүйчүүдийн тоо тогтвортой байх боловч ажлын байрны хомсдол хэвээр байж, эдийн засаг хангалттай ажлын байр бий болгож чадахгүй байх нь” гэж Дэлхийн хөдөлмөрийн байгууллагын тэргүүн Гай Райдер тэмдэглэсэн байна. Харин хөгжиж байгаа орнуудын хөдөлмөрийн зах зээлд гарч байгаа өөрчлөлт ахицын үрээр ажилгүйдлийн түвшин 0,2 хувиар буурах төлөвтэй гэнэ.

Палестин улсын хөдөлмөрийн насны хүн амын 27,9, Өмнөд Африкийн бүгд найрамдах улсын хүн амын 27,7, Лесото улсын хүн амын 24,8 хувь нь ажилгүй байгаа нь хамгийн өндөр бол Белоруст энэ үзүүлэлт 0,5, Нигерт 0,3, Камбож, Катарт 0,2 хувь болж хамгийн бага байна.

Харин Монгол улсад хөдөлмөрийн насны нийт хүний 7,0 хувь нь ажилгүй байгаа нь Чили улстай ижил түвшинд байна гэж илтгэлд дурджээ.